अंजोर.रायपुर 24 सितंबर। वन अउ जलवायु परिवर्तन मंत्री मोहम्मद अकबर ह 25वीं अखिल भारतीय वन खेलकूद प्रतियोगिता के विजयी प्रतिभागी ल सम्मानित करिन। ओमन ए बखत प्रतियोगिता म छत्तीसगढ़ वन विभाग के विजयी 154 खिलाड़ी ल 34 लाख 66 हजार रूपिया के पारितोषिक रकम के वितरण करिन। वन मंत्री श्री अकबर ह कार्यक्रम म सबो विजयी खिलाड़ी के मनोबल के बढ़ाये अउ प्रोत्साहन के खातिर उंकर मानदेय म बड़वार के घोसना भी करिस।
25वीं अखिल भारतीय वन खेलकूद प्रतियोगिता के आयोजन मार्च 2020 म भुवनेश्वर (ओडिसा) म करे गे रिहिस। एमे छत्तीसगढ़ के वन विभाग ले एथेलेटिक्स सहित क्रिकेट, फुटबाल, हॉकी, टेनिस, बॉलीवाल, बास्केबॉल उक खेल म 202 प्रतिभागी ह हिस्सा लिस। जेमा ले 154 खिलाड़ी ह स्वर्ण, रजत अउ कांस्य सहित चतुर्थ ठऊर म विजयी होके 34 लाख 66 हजार रूपिया के पारितोषिक रकम पुरस्कार के रूप म पाये हावय।
इस मउका म ये प्रतियोगिता म विजयी प्रतिभागी प्रधान मुख्य वन संरक्षक अउ वन बल प्रमुख राकेश चतुर्वेदी, प्रबंध संचालक राज्य लघु वनोपज संघ संजय शुक्ला, अपर प्रधान मुख्य वन संरक्षक सुनील मिश्रा, मुख्य वन संरक्षक जे.आर. नायक अउ श्रीमती शालिनी रैना, श्रीमती संजीता गुप्ता, वन मण्डलाधिकारी विश्वेश कुमार अउ आलोक तिवारी सहित आन विभागीय अधिकारी अउ कर्मचारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।