Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कृषि मंत्री दाऊ रविन्द्र चौबे ह भूमिहीन कृषि मजदूर न्याय योजना के पंजीयन करिस सुरूआत, पंजीयन बुता 01 सितम्बर ले 30 नवम्बर तक होही


अंजोर.बेमेतरा 01 सितम्बर। कृषि मंत्री रविन्द्र चौबे ह साजा विकासखण्ड के गांव चोरभट्ठी म राजीव गांधी ग्रामीण भूमिहीन कृषि मजदूर न्याय योजना के पंजीयन बुता के शुभारंभ करिन। मुख्यमंत्री दाऊ भूपेश बघेल के पहल म प्रदेश म ग्रामीण भूमिहीन कृषि मजदूर के सालाना 6 हजार रूपिया के आर्थिक अनुदान मदद दे जाही। योजना के पंजीयन बुता 01 सितम्बर ले 30 नवम्बर तक होही। गांव पंचायत कार्यालय म पंचायत सचिव के पास पंजीयन प्रपत्र जमा होही। कृषि मंत्री ह किहिन के ए योजना ले पौनी पसारी बेवस्था ले जुड़े लोगन ल फायदा होही।    

कलेक्टर श्री भोसकर ह करिन के ग्रामीण भूमिहीन कृषि मजदूर परिवार के ले चरवाहा, बढ़ई, लोहार, मोची, नाई, धोबी, पुरोहित जइसे पौनी पसारी बेवस्था ले जुड़े परिवार, वनोपज संग्राहक भी पात्र होही यदि वो परिवार कना कृषि भूमि नइ हावय। भूमिहीन कृषि मजदूर परिवार ले आशय उंकर पत्नी या पति, संतान अउ उन म आश्रित माता-पिता ले हावय, जेकर कोनो भी सदस्य कृषि भूमि धारण नइ करत होही। कृषि भूमि धारण नइ करे के आशय अंशमात्र भी कृषि भूमि नइ होना चाही। कृषि भूमिहीन परिवार के सूची म ले परिवार के मुखिया के महतारी या पिता के नाम ले यदि कृषि भूमि हावय माने वो परिवार के उत्तराधिकार हक म भूमि मिले के स्थिति होही, तब वो ह पात्र परिवार के सूची ले अलग हो जाही। आवासीय प्रयोजन बर धारित भूमि कृषि भूमि नइ माने जाही। मजदूर परिवार के राजीव गांधी भूमिहीन कृषि मजदूर न्याय योजना के पोर्टल म पंजीयन कराना अनिवार्य होही। ए मउका म मुख्य कार्यपालन अधिकारी जिला पंचायत बेमेतरा श्रीमती रीता यादव, के अलावा संतोष वर्मा अउ ग्रामीणजन उपस्थित रिहिस।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285