स्कूल के संग अब आश्रम-छात्रावास तको खुलही, बैगा स्कूली छात्रा सरस्वती के मांग म मुख्यमंत्री करिस घोसना

अंजोर.रायपुर, 01 सितंबर। मुख्यमंत्री दाऊ भूपेश बघेल ह आज अपन गौरेला-पेण्ड्रा-मरवाही प्रवास के बखत एक बैगा आदिवासी स्कूली छात्रा सरस्वती के गेलौली म जिला म आश्रम-छात्रावास ल सुरू करे के घोसना करिस। सरस्वती के गांव उंकर छात्रावास ले लगभग 20 किलोमीटर दूरिहा हावय। गांव तवाडबरा के शासकीय पूर्व माध्यमिक शाला के निरीक्षण के बखत बैगा आदिवासी स्कूली छात्रा सरस्वती बैगा ह मुख्यमंत्री श्री बघेल ले किहिन के स्कूल खुलगे हावयं, फेर आश्रम-छात्रावास नइ खुले ले वो अपन स्कूल नइ जा पात हावयं। सरस्वती ह गौरेला के ज्योतिपुर के छात्रावास सुरू कराये के गेलौली मुख्यमंत्री ले करिन। सरस्वती ह बताइन के वो टीकरकला स्कूल म कक्षा 9वीं के छात्रा हावय। उंकर गांव ले ज्योतिपुर छात्रावास के दूरी 20 किलोमीटर हावय। ए सेती ले वो ह स्कूल सुरू होए के बावजूद अपन स्कूल नइ जा पात हावय। मुख्यमंत्री ह सरस्वती के समस्या ल पूरा संवेदनशीलता के संग महसूस करत गौरेला-पेण्ड्रा-मरवाही जिला म आश्रम-छात्रावास सुरू करे के घोसना करिस। मुख्यमंत्री के ए घोसना ले सुदूर अंचल के गांव के छात्र-छात्रा ल अपन स्कूल म पढ़ाई करे के मउका मिल सकही। लगभग 20 ले 25 किलोमीटर दूरिहा सुदूर अंचल के गांव के पढ़ईया अपन नजदीकी आश्रम-छात्रावास म रिहिके स्कूल म पढ़ाई करत हावयं। 

मुख्यमंत्री श्री भूपेश बघेल आज गांव पंचायत ठाड़पथरा के तवाडबरा गांव के राजमेरगढ़ पारा के पंच रमेश बैगा के घर पहुंचके अउ उंकर संग चाय पानी पिस करिन। ओमन उहां गांव वाला ले गोठबात करिस अउ ओमन घर ल शगुन के तौर म 2000 रूपिया गृह लक्ष्मी ल दिस। मुख्यमंत्री ह उहां के रहन-सहन म गोठबात करत छात्रा सरस्वती के अश्वासन दे के उंकर छात्रावास जल्दीन शुरू हो जाही कहत मुख्यमंत्री ह उंकर संग अपन मोबाइल म सेल्फी भी लिस। मुख्यमंत्री ह ए मउका म गांव के बैंड बाजा दल के 1000 रूपिया अउ रोका-छेका दल के 1000 रूपिया ईनाम स्वरूप भेंट करिस।