मैनपाट के गांव बिसरपानी म सरलग पानी गिरे भुइंया धसकगे, खेत अउ घर म परगे दनगरा

अंजोर.अंबिकापुर, 3 अगस्त। मैनपाट के गांव बिसरपानी म सरलग पानी गिरे के सेती भुइंया धसक गे हावय। मिले आरो के मुताबिक येमा गाँव के एक परिवार ह चपेट म आये हावय। उंकर घर अउ खेत ह ये आपदा से ख़राब होगे हावय। प्रशासन कोति ले तुरते उंकर राहत के व्यवस्था अउ मुआवजा के प्रक्रिया के शुरूआत करे गे हावय जेकर पीडि़त परिवार ल लघियात मदद मिल सकय।