Durg District News : कोरोना के तीसरा लहर आये के ओरा ल धियान म रखत साव-चेत राहव : कलेक्टर

अंजोर.दुर्ग 03 अगस्त। कोरोना के तीसरा लहर आये के संभावना जताये गे हावय। पाछु एक-दो दिन ले कोविड ले पाजिटीव मरीज के संख्या म भी बाढ़त हावय। ये बात के हमन ल बनेच चेत करत सतर्क रेहे के जरूरत हावय। कलेक्टर डा. सर्वेश्वर नरेंद्र भुरे ह समय सीमा के बइठक म अधिकारी मन ले ये बात किहिन।ओमन किहिन के जेन क्षेत्र म सरलग रूप ले कोविड मरीज के आत हावय। अइसे क्षेत्र ल कंटेनमेंट जोन घोषित करे जाए। सबो विभाग के अधिकारी मन ल अभी ले गंभीरता पूर्वक सबो जरूरी तइयारी सुनिश्चित करना होही। 

कलेक्टर ह समय सीमा के बइठक म आने-आने विभाग म स्वीकृत निर्माण बुता के समीक्षा करिस। ओमन निर्माण एजेंसी अउ संबंधित विभाग के अविलंब सबो स्वीकृत निर्माण बुता के पूरा करे ल किहिन हावय। येकर संग ही जेन बुता के खातिर स्वीकृति दे गे हावय। फेर प्रशासकीय स्वीकृति नइ मिले हावय। अइसे बुता के प्राक्लन तइयार करके शासन ल प्रस्ताव भेजे ल किहिन हावय। ओमन नगरीय निकाय के अधिकारी मन के गोधन न्याय योजना ले गउठान म बने कम्पोस्ट खातु के बिक्री म इजाफा करे ल किहिन हावय। ओमन इंग्लिश मीडियम स्कूल संचालन, स्कूल म पदस्थ शिक्षक, शाला म संसाधन, अधोसंरचना के बुता सहित पढ़ईया मन के अध्यापन के खातिर बनाये गे प्रोटोकाल के समीक्षा करिस। बइठक म कलेक्टर ह कृषि अउ उद्यानिकी विभाग के अधिकारी मन ल खारून नदी के किनारे गांव म आने वाला समय म प्रस्तावित मक्का प्रोसेसिंग प्लांट के खातिर करार प्रक्रिया के संग बुता करे ल किहिन हावय।