छत्तीसगढ़िया क्रांति सेना के 6 सेनानी 187 दिन बाद जेल ले रिहा, मजदूर भाई-बहिनी अउ संगठन करिस जय जयकार

अंजोर.रायपुर, 3 अगस्त। छत्तीसगढ़ अउ छत्तीसगढि़या मनके स्वाभिमान जगाये खातिर लड़ईया गैर राजनीतिक संगठन छत्तीसगढ़िया क्रांति सेना के 6 सेनानी म आज रायपुर जेल ले 187 दिन बाद रि‍हा होवत हावय। जानबा होवय के ओमन ल सरकार ह रायपुर जिला के कोलर गांव म एक निजी कंपनी म मजदूर मन संग होवत हत्याचार के विरोध करे अउ मजदूर मनके संग दे खातिर जानबूझ के गलत तरीका ले छत्तीसगढि़या मनके आवाज ल दबाये खातिर राजनीतिक संरक्षण म जेल भेज दे रिहिस। 

मिले आरो के मुताबिक येमा डा. अजय यादव, धीरेन्द्र साहू, गोपी साहू, ललित साहू, शैलेन्द्र कुर्रे अउ प्रेमनाथ साहू के आज रिहाई हावय। बड़ हिम्मती अउ बलखर सेनानी मनके सुवागत बर संगठन खास तियारी करे हावय, येकर संग ही मूल छत्तीसगढ़िया मजदूर मन तको सेनानी मनके जय जयकार करत हावय।