दाऊ भूपेश बघेल किसान मन बर करिस बड़का घोसना, सूखा प्रभावित किसान ल मिलही 9000 रूपिया प्रति एकड़ के मदद

अंजोर.रायपुर 29 अगस्त। मुख्यमंत्री दाऊ भूपेश बघेल ह किहिन के अभी राज के केऊ जिला म बने पानी नइ् बरसे के सेती सूखा के स्थिति उपजे हावय। छत्तीसगढ़ के सरकार विपदा के हर घड़ी म किसान मन के संग खड़े हावय। जेन किसान भाई ह अभी खरीफ सीजन म धान, कोदो-कुटकी, अरहर के बुवाई करे हावय, यदि वर्षा के अभाव म उंकर फसल खराब हो जात हावय। चाहे उत्पादन हो या न हो, ओला सरकार प्रति एकड़ 9000 रूपिया के मदद देही। ओमन किहिन के राजीव गांधी किसान न्याय योजना के तहत सूखा प्रभावित किसान मन के भी गिरदावरी सर्वे के आधार म प्रति एकड़ 9000 रूपिया के मान ले मदद दे जाही।