अंजोर.रायपुर, 29 अगस्त। मुख्यमंत्री दाऊ भूपेश बघेल ले छत्तीसगढ़ यातायात महासंघ अउ बस ऑनर्स फेडरेशन ऑफ छत्तीसगढ़ के प्रतिनिधि मंडल ह मुलाकात करिस अउ अभी के बेरा म डीजल के कीमत म बड़वार ल देखत यात्री किराए म 40 प्रतिशत बड़वार के मांग करिस। मुख्यमंत्री ह गोठबात बाद एमे 25 प्रतिशत बढ़ोत्तरी के सहमति दीस। ए मउका म परिवहन मंत्री मोहम्मद अकबर, आयुक्त परिवहन टोपेश्वर वर्मा, अपर परिवहन आयुक्त दीपांशु काबरा, संयुक्त परिवहन आयुक्त देवव्रत सिरमौर उपस्थित रिहिस।
जानबा होवय के छत्तीसगढ़ शासन परिवहन विभाग डहर ले 16 जुलाई 2018 ले ‘प्रक्रम यात्री वाहन’ (नगर गाड़ी ल छोड़के) के यात्री किराए के दर म बड़ोत्तकरी करे गे रिहिस। वो समय साल 2018 म डीजल के कीमत प्रति लीटर 69.20 रूपिया रिहिस। तेकर बाद 1 मई 2021 के स्थिति म डीजल के कीमत 89.10 रूपिया प्रति लीटर होगे हावय। मुख्यमंत्री श्री बघेल डहर ले एला धियान म रखत उंकर मांग म विचार करे के बाद राज्य म यात्री किराया म 25 प्रतिशत के बढ़ोत्तरी के खातिर सहमति दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।