अंजोर.धमतरी, 21 जुलाई। हर साल सहिक ऐसो घलोक राष्ट्रीय पर्व स्वतंत्रता दिवस के 74 वां मुख्य समारोह जिला मुख्यालय के डॉ.शोभाराम देवांगन शासकीय उच्चतर माध्यमिक स्कूल के एकलव्य खेल परिसर म मनाये जाही। कलेक्टोरेट सभाकक्ष म के बइठक के बाद कलेक्टर पी.एस. एल्मा ह अधिकारी मन ल बइठक लेके मुख्य समारोह के गरिमामय अउ हर्षोल्लास के संग मनाये के जरूरी बेवस्था सुनिश्चित् करे के निर्देश दिस। ओमन कार्यालय म बिहनिया साढ़े सात बजे तक ध्वजारोहरण करे के निर्देश अधिकारी मन ल दिस। ए बखत ध्वजारोहण म पूरा सावधानी बरते ल किहिन। अपर कलेक्टर दिलीप अग्रवाल ल सरी समारोह के प्रभारी बनाये गे हावय।
बताइन के जिला स्तर म मुख्य समारोह बिहनिया नौ बजे ले डॉ.शोभाराम देवांगन शासकीय उच्चतर माध्यमिक स्कूल परिसर म आयोजित करे जाही। अधिकारी, कर्मचारी मन ल बिहनिया आठ बजे अनिवार्यतः समारोह जगह म पहुंचना होही। समारोह म मुख्य अतिथि डहर ले परेड के सलामी ले जाही। कोविड 19 के मद्देनजर समारोह जगह म जरूरी एहतियाती बेवस्था बनाए रखे के निर्देश कलेक्टर ह दिस। ओमन ए मउका म समारोह जगह के समतलीकरण अउ साफ सफाई कराके परेड के अभ्यास करे के निर्देश दिस। बताइन के आखरी अभ्यास कलेक्टर अउ पुलिस अधीक्षक के उपस्थिति म 13 अगस्त के बिहनिया नौ बजे होही, जेमा सबो प्रभारी अधिकारी अनिवार्य रूप ले मौजूद रइही। कार्यक्रम जगह म 13 अउ 15 अगस्त के एम्बूलेंस, दवई अउ चिकित्सा दल के बेवस्था सुनिश्चित करे के दायित्व मुख्य चिकित्सा अउ स्वास्थ्य अधिकारी के होही।
बइठक म समारोह के सफल संचालन के खातिर मंच, साफ-सफाई, निमंत्रण कारड छपाये, आगंतुक मनके स्वागत, कानून व्यवस्था, चिकित्सा सुविधा, माइक, जनरेटर, मार्च पास्ट उक के खातिर अधिकारी मन ल दायित्व सउपिस। बइठक म कलेक्टर ह कोरोना संक्रमण के ल देखत सबो अधिकारी मन ल राष्ट्रीय पर्व म सोशल डिस्टेंसिंग के पालन करत अनिवार्य रूप ले मास्क लगाये के निर्देश दे हावयं। बइठक म मुख्य कार्यपालन अधिकारी ज़िला पंचायत श्रीमती प्रियंका महोबिया, अपर कलेक्टर दिलीप अग्रवाल सहित जिला स्तरीय अधिकारी मौजूद रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।