अंजोर.रायपुर, 12 जुलाई 2021। जिला रोजगार अउ स्वरोजगार मार्गदर्शन केन्द्र, रायपुर डहर ले छत्तीसगढ़ राज्य के शिक्षित बेरोजगार युवा मन ल रोजगार के मउका उपलब्ध कराये के उद्देश्य ले 14 जुलाई के रोजगार कार्यालय रायपुर, जुन्ना पुलिस मुख्यालय परिसर, जी.ई. रोड, रायपुर म प्लेसमेंट कैम्प आयोजित करे जात हावय।
जिला रोजगार अधिकारी, रायपुर ह बताइन के प्लेसमेंट कैम्प के माध्यम ले निजी क्षेत्र के नियोजक विनायका जॉब्स कन्स्लटेंट, रायपुर डहर ले एम.बी.ए. (एच.आर.) के 100 पद म एम.बी.ए. (एच आर.) पास के भरती करे जाही। इही रकम ले इण्डियन कुक के 50 अउ हाऊस कीपिंग के 75 पद म अनुभवी उम्मीदवार मन के भरती करे जाही। ए रकम ले 225 पद म भरती करे जात हावय।
ये पद म भरती बर इच्छुक आवेदक करार तिथि 14 जुलाई के अपन शैक्षणिक अउ तकनीकी शिक्षा अउ अनुभव प्रमाण पत्र के छायाप्रति के संग बिहनिया 11 बजे ले मंझनिया 3 बजे तक उपस्थिति होके प्लेसमेंट कैंप म शामिल हो सकत हावयं। ओमन सोशल डिस्टेंसिंग के पालन करत प्लेसमेंट कैम्प म सामिल होए के गेलौली करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।