अंजोर.रायपुर, 12 जुलाई 2021। राज्यपाल सुश्री अनुसुईया उइके ले राजभवन म श्रीमती फुलमनिया ह अपन दिव्यांग बेटी शशिप्रभा के संग मुलाकात करिस। राज्यपाल ल मीडिया के माध्यम ले बलरामपुर जिला के एक छोटे से गांव करकली के सात साल के शशिप्रभा के बारे म जब पता चलिस के वो ह चले-फिरे, बोले नी सकय अउ सरगुजा म ओकर इलाज नइ हो पात हावय। तब ओमन स्वतः संज्ञान लेवत जिला प्रशासन बलरामपुर ल शशिप्रभा ल उंकर घर वाला के संग राजभवन भिजवाने के निर्देश दिस। ताकि इहां के डॉक्टर मनके सलाह लेके ओकर इलाज कराइन जा सके। शशिप्रभा के पिता के मृत्यु हो चुके हावय अउ उंकर आर्थिक हालत अच्छा नइ हावय, इही सेती राज्यपाल सुश्री उइके ह उंकर मां अउ संग म आये मौसी श्रीमती कांता ल आश्वासन दिस के उंकर बेटी के हरसंभव इलाज कराइन जाही। राज्यपाल के सहृदयशीलता ले श्रीमती कांता अउ श्रीमती फुलमनिया के आंखी म आंसू आ गे। ओमन किहिन के हमन सोचे भी नइ रेहेन के रायपुर आके हमर बेटी के इलाज हो सकही। ओमन राज्यपाल ल येकर खातिर तहे दिल ले धन्यवाद दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।