मनीराम साहू 'मितान' के छंदमय माता करमा चरित ‘महापरसाद’ अउ जगदीश साहू के ‘करमा चालीसा’ के होइस विमोचन

अंजोर.रायपुर, 26 जुलाई। छत्तीसगढ़ के युवा छंदकार मनीराम साहू 'मितान' के पुस्तक छंदमय माता करमा चरित ‘महापरसाद’ के विमोचन भामाशाह छात्रावास म होइस। मिले आरो के मुताबिक ये मउका म जगदीश साहू के ‘करमा चालीसा’ के विमोचन तको करे गिस। छत्तीसगढ़ शासन के आयोग, निगम, मंडल, बोर्ड म मनोनीत साहू समाज के अध्यक्ष, उपाध्यक्ष अउ सदस्यगण मन के सम्मान समारोह के जलसा म माइ पहुना के रूप म ताम्रध्वज साहू गृह मंत्री छत्तीसगढ़ शासन के अलावा अर्जुन हिरवानी अध्यक्ष छ.प्र.प्रदेश साहू संघ, मोतीलाल साहू कार्यकारी अध्यक्ष अ.भा. तैलिक. महासभा, श्रीमती ममता साहू राष्ट्रीय अध्यक्ष महिला प्रकोष्ठ अ.भा.तै.महासभा, थानेश्वर साहू पूर्व अध्यक्ष छ.ग. प्रदेश साहू संघ अउ डॉ. बिहारी लाल साहू वरिष्ठ साहित्यकार उपस्थिति रहिन। 

सम्मान समारोह महिला प्रकोष्ठ छ.प्र. साहू संघ, साहित्य कला व रचनात्मक प्रकोष्ठ छ.प्र. साहू संघ, किसान प्रकोष्ठ छ.प्र. साहू संघ अउ चिकित्सा प्रकोष्ठ छ.प्र. साहू संघ के संयुक्त तत्वावधान म आयोजित करे गे रिहिस। ये मउका म माई पहुना ताम्रध्वज साहू हा ‘महापरसाद’ विमोचन बर बधाई देत किहिन के ये पुस्तक समाज बर धरोहर आय, एक बार एला जरूर पढ़व‌ अउ माता करमा के संदेस ला जन‌-जन तक पहुंचावव। सबो मनोनीत अध्यक्ष अउ सदस्यगण मन ला कहिन के साहू समाज ला कुछ करके दिखाना हे अउ साहू समाज के आदर्श प्रदेश म प्रस्तुत करना हावय। 

अध्यक्ष छ.प्र.प्रदेश साहू संघ अर्जुन हिरवानी जी हा पुस्तक विमोचन अउ कर्मा चालीसा बर बधाई देत किहिन के समाज के एकजुटता ही फल आय के शासन हा हमन ला अतेक महत्त्वपूर्ण जिम्म्मेदारी सौंपे हावय। सभा ला  मोतीलाल साहू, विपिन साहू, डॉ बिहारीलाल साहू, शांतनु साहू संदीप साहू मन घलो संबोधित करिन।      

कार्यक्रम म विशेष रूप ले महिला प्रकोष्ठ छ.प्र.साहू संघ के संयोजक श्रीमती यामिनी साहू, सीमा संतोष साहू, अर्चना साहू अउ उंकर पदाधिकारी, साहित्य कला व रचनात्मक प्रकोष्ठ के प्रदेश संयोजक धनराज साहू,पदाधिकारी- अजय अमृतांशु, रामकुमार साहू, गयाप्रसाद रत्नपुरिहा, जगदीश साहू, प्रमोद साहू रंगोली आर्टिस्ट, द्रोपती सरसिज,पुष्पा गजपाल, पायल साहू अभिनेत्री, दीपक साहू कोरियोग्राफर, जनक राम साहू रतनपुर, माखन साहू, रामकुमार मयारू, नारायण साहू, डोलामणी साहू, केतन साहू, श्रवण साहू, रोशन साहू, तुका राम साहू, प्रदीप कुँवर दादा, वीरेंद्र साहू, खेमराज साहू, खिबी राम साहू, दुष्यंत साहू किसान प्रकोष्ठ के प्रदेश संयोजक लक्ष्मण कुमार साहू, मिंजून साहू, चंद्रहास साहू, परीक्षित साव, केशव साव, डुलीकेशन साहू चिकित्सा प्रकोष्ठ के प्रदेश संयोजक डॉ नीलकंठ साहू, डॉ. धीरेंद्र साव, डॉ. के के साहू, डॉ. देवेंद्र साहू संग प्रदेश भर से सबो प्रकोष्ठ के पदाधिकारी जुरियाए रिहिस।