अंजोर.कबीरधाम, 01 जुलाई 2021। राज्य शासन डहर ले पैथोलॉजी विशेषज्ञ अउ प्रभारी सिविल सर्जन सह मुख्य अस्पताल अधीक्षक जिला अस्पताल कबीरधाम डॉ. संतराम चुरेन्द्र ल अपन कर्तव्य म लापरवाही करे के सेती तुरते प्रभाव ले निलंबित करके दे गे हावय। निलंबन बखत म डॉ. चुरेन्द्र के मुख्यालय मुख्य चिकित्सा अउ स्वास्थ्य अधिकारी कार्यालय कबीरधाम होही।
मिले आरो के मुताबिक डॉ. प्रभाकर ल सिविल सर्जन सह मुख्य अस्पताल अधीक्षक कबीरधाम बनाये गे हावय। राज्य शासन डहर ले चिकित्सा अधिकारी जिला अस्पताल कबीरधाम डॉ. प्रभात चन्द्र प्रभाकर ल अवइया आदेश पर्यन्त सिविल सर्जन सह मुख्य अस्पताल अधीक्षक जिला अस्पताल कबीरधाम के प्रभार सउपिस गे हावय। ए आशय के आदेश आज मंत्रालय स्थित लोक स्वास्थ्य अउ परिवार कल्याण विभाग डहर ले जारी कर दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।