चन्दूलाल चन्द्राकर अस्पताल अउ कॉलेज होही अब सरकारी, अधिग्रहण बर विधानसभा म विधेयक

अंजोर
0

अंजोर.रायपुर, 27 जुलाई। चन्दूलाल चन्द्राकर सुरता चिकित्सा कॉलेज दुर्ग के अधिग्रहण खातिर विधेयक छत्तीसगढ़ विधानसभा म पेश करे जाही। पाछु 20 जुलाई के आयोजित राज्य कैबिनेट के बइठक म ए चिकित्सा कॉलेज के अधिग्रहण विधेयक के प्रारूप के अनुमोदन करे गे हावय।

संसदीय बुता मंत्री रविन्द्र चौबे ह किहिन हावय के छत्तीसगढ़ सरकार डहर ले छत्तीसगढ़ के पूरा जनता अउ छात्र मनके हित म अऊ प्रदेश म तेजी ले चिकित्सा शिक्षा के विस्तार के उद्देश्य ले चन्दूलाल चन्द्राकर सुरता चिकित्सा कॉलेज दुर्ग के अधिग्रहण के फइसला ले गे हावय। येकर ले चिकित्सा कॉलेज के रूप म एक तइयार अधोसंरचना के अधिग्रहण करे जा सकही। ओमन किहिन के आमतौर म कोनो चिकित्सा कॉलेज के अधोसंरचना के तइयार करे म ही करीब 500 करोड़ रूपिया अउ काफी समय लग जाथे। मेडिकल कॉउंसिल ऑफ इंडिया डहर ले मान्यता मिले 150 सीट वाला चंदूलाल चंद्राकर सुरता चिकित्सा कॉलेज दुर्ग के अधिग्रहण ले केवल आधा लागत म ही एक अउ शासकीय मेडिकल कॉलेज के लाभ प्रदेश के जनता के तुरते मिल सकही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !