सुकमा के छिन्दगढ़ ब्लॉक के सहदेव दिरदो मिलिस बॉलीवुड के प्रसिद्ध सिंगर बादशाह के बाद मुख्यमंत्री दाऊ भूपेश बघेल ले

अंजोर.रायपुर, 27 जुलाई। सुकमा जिलर के छिन्दगढ़ ब्लॉक के ग्राम पंचायत कुरमापार के नानुक गायक सहदेव दिरदो ह आज मुख्यमंत्री भूपेश बघेल ले उंकर निवास कार्यालय रायपुर म मुलाकात करिन। ये मउका म उद्योग अउ वाणिज्य मंत्री कवासी लखमा सहदेव ल अपन संग लाने रिहिस। मुख्यमंत्री श्री बघेल ह सहदेव दिरदो ल अपन अनोखा गायन शैली ले देश के जाने-माने सिंगर सहित आम लोगन के ध्यान आकर्षित करे अउ छत्तीसगढ़ के नाम रौशन करे खातिर बधाई अउ शुभकामना दीस। 

जानबा होवय के सहदेव दिरदो के गाये गाना- मेरे बचपन का प्यार भूल नहीं जाना रे, सोशल मीडिया म गजब वायरल होए हाबे। सहदेव के ये गाना ल सुनके बॉलीवुड के प्रसिद्ध सिंगर बादशाह ह सहदेव ल दिल्ली आमंत्रित करे रिहिस, जिहां ओमन गाना के प्रस्तुति दीस। मुख्यमंत्री श्री बघेल और मंत्री श्री लखमा के कहे म सहदेव दिरदो ह अपन निराला अंदाज म गाना सुनाइस। मुख्यमंत्री ह सहदेव के गायन शैली के तारीफ करत ओकर उज्ज्वल भविष्य के शुभकामना दीस। सहदेव वर्तमान म कक्षा सातवीं म अपन गांव के स्कूल म पढ़ई करत हावय। सोशल मीडिया के जरिए वायरल होए ओकर गाना ल लोगन मन गजब मन करत हावय।