अंजोर.रायपुर, 01 जुलाई 2021। राज्यपाल सुश्री अनुसुईया उइके ह डॉक्टर्स डे के मउका म डॉक्टर मन ल राजभवन म सम्मानित करिन। ओमन कोरोना काल म शहीद होए डॉक्टर मन ल श्रद्धांजलि अर्पित करिन अउ किहिन के डॉक्टर्स ए संसार म ईश्वर के ही रूप हावयं। वो मरीज मन के इलाज करत हावयं अउ उंकर जान बचात हावयं अउ मानसिक संबल भी दे करत हावयं। कोरोना काल म डॉक्टर मन ह सब कुछ भुलाके दिन-रात समर्पण भाव ले मरीज मन के सेवा करिन, वो ह सराहनीय हावय।
चिकित्सा सेवा ल, मानवता के बड़ी सेवा माने जात हावय काबर के येकर ले बीमार, असहाय अउ असाध्य रोग के मरीज मन ल नया जीवन मिलथे अउ इही सेती डॉक्टर मन के सबो सम्मान करथे। ये एक अइसे नोबल प्रोफेशन हावय, जेमा मेडिकल शिक्षा के शुरूआत ले ही सेवा के भावना सिखाये जाथे। राज्यपाल ह कोरोना के टीका ल लेके गोठबात करत किहिन के डॉक्टर लोगन ल टीका लगाये के खातिर जागरूक करें। शहरी क्षेत्र के संग विशेषकर ग्रामीण क्षेत्र म भी जागरूकता के जरूरत हावय। जतका जादा अउ जल्दी टीकाकरण होही, हम कोरोना ल उतनी ही तेजी ले हरा पाबो। एमे सामाजिक संगठन मन ल भी आगू आके प्रयास करना चाही।
कार्यक्रम म डॉ. शशांक गुप्ता, डॉ. अजय बेहरा, डॉ. रंगनाथ, डॉ. ममता, डॉ. विष्णुदत्त, डॉ. विनीत जैन, डॉ. स्मित श्रीवास्तव, डॉ. अरविंद नेरल, डॉ. संदीप दवे, डॉ. संजय शर्मा, डॉ. देवेन्द्र नायक, डॉ. सुनील कालड़ा, डॉ. अजीत, डॉ. पूनम, डॉ. अमर सिंह ठाकुर, डॉ. मधुलिका, डॉ. रूपल पुरोहित, डॉ. सुनीति मगरूलकर, डॉ. शिशिर साहू के शॉल अउ सुरता चिनहा देके सम्मानित करिन गे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।