Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

पॉवर कंपनी म 2583 पद म भरती के निर्देश दिस मुख्यमंत्री, राज्य गठन के बाद पहिली बार बिजली कंपनी म होही अतका भर्ती..., पूरा खबर पढ़व अंजोर छत्तीसगढ़ी म


रायपुर, 15 जुलाई 2021। मुख्यमंत्री भूपेश बघेल ह बिजली कंपनी म ढाई हजार ले जादा पद म भरती करे के निर्देश दे हावयं। एमे जूनियर इंजीनियर ले लेके मैदानी स्तर म काम करे वाला लाइन अटेंडेंट के पद हावयं, जेमे छत्तीसगढ़ के स्थानीय निवासी मन ल नियुक्ति दे जाही। छत्तीसगढ़ राज्य बने के बाद पॉवर कंपनी म पहिली बार अतका संख्या म एकमुश्त भरती के निर्देश दे गे हावयं।

ऊर्जा विभाग के विशेष सचिव अउ पॉवर कंपनी के चेयरमेन अंकित आनंद ह बताइन के राज्य बने के बाद प्रदेश म विद्युत उत्पादन ले लेके उपभोक्ता मनके संख्या म काफी बड़वार होए हावय। विद्युत उत्पादन क्षमता 1360 मेगावाट ले बढ़कर 3224 मेगावाट हो गे हावय। राज्य बने के समय 18.91 लाख उपभोक्ता रिहिस, वो ह बढ़के 56 लाख हो गे हावय। ए लिहाज ले गुणवत्तापूर्ण बिजली आपूर्ति अउ उपभोक्ता के समस्या के लघियात निराकरण के खातिर मैदानी अमला म खाली पद के भरती जरूरी हावय।

छत्तीसगढ़ स्टेट पॉवर वितरण, पारेषण अउ जनरेशन कंपनी म लगभग 2583 पद म भरती करे जानी हावय। ये पद उपभोक्ता मनके विद्युत सेवा दे के दृष्टि ले बहुत जरूरी हावयं। ये पद मैदानी कार्यालय म भरे जाही। एमे जूनियर इंजीनियर के 340 पद, डाटा एंट्री आपरेटर के 610 अउ परिचारक लाइन (प्रशिक्षु) के 1500 भरे जाही। संग ही पॉवर कंपनी के औषधालय म खाली पद के भरती करे जाही। मुख्यमंत्री जी ह ये पद म भरती के निर्देश दे हावयं, जल्दी ही ये पद म भरती के बर विज्ञापन जारी करे जाही। जानबा होवय के पॉवर कंपनी म काफी संख्या म जूनियर इंजीनियर मनके प्रमोशन करके असिस्टेंट इंजीनियर बनाये हावय, जेकर बाद जूनियर इंजीनियर के पद खाली हावयं। ये पद म नवा नियुक्ति करे जाही। संग ही निचले मैदानी स्तर म बड़े पैमाना म लाइन स्टाफ के सरलग भरती करे जाही। एमे 950 पद तृतीय श्रेणी के अउ 1549 पद चतुर्थ श्रेणी के हावयं। ए रकम ले कुल 2583 पद म भरती के निर्देश दे गे हावयं।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
वाट्सअप- 9826753304
ई मेल : jayantsahu9@gmail.com

कला-संस्कृति-साहित्य

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285