मक्का अउ गन्ना ले एथेनॉल प्लांट के पूंजी निवेश के प्रस्ताव ल लघियात स्वीकृति : मुख्यमंत्री दाऊ भूपेश बघेल

अंजोर
0

अंजोर.रायपुर, 15 जुलाई 2021। प्रदेश म मक्का अउ गन्ना ले एथेनॉल तइयार करे के प्लांट के स्थापना के खातिर पूंजी निवेश के प्रस्ताव के परीक्षण के बाद जल्दीे ले जल्दी् स्वीकृति दे जाए। ये बात ल मुख्यमंत्री भूपेश बघेल ह आज राज्य निवेश प्रोत्साहन बोर्ड के 15 वां बइठक ल सम्बोधित करत किहिन। सबो उद्योग के समस्या ल दूरिहा करे के खातिर दू समिति मन के गठन करे जाए। नीतिगत मामला के संबंध म उद्योग मंत्री के अध्यक्षता अउ क्रियान्वयन संबंधी मामला के खातिर मुख्य सचिव के अध्यक्षता म समिति के गठन करे जाए। ओमन किहिन के ये समिति मन के माध्यम ले कृषि आधारित उद्योग अउ बस्तर अंचल म लौह खनिज आधारित उद्योग के स्थापना के बुता म भी तेजी लाने के प्रयास करे  जाएं।

राज्य निवेश प्रोत्साहन बोर्ड के बइठक म साल 2001-18 अउ साल 2012 म आयोजित ग्लोबल इंवेस्टर्स मीट के बखत राज्य म उद्योग के स्थापना के खातिर करे गे एमओयू के क्रियान्वयन के स्थिति के समीक्षा करे गिस। साल 2001 ले 2018 तक के 55 एमओयू अउ साल 2012 म ग्लोबल इंवेस्टर्स मीट के बखत करे  गे 103 एमओयू म निष्क्रियता के चलत कोनो भी रकम ले करे कार्यवाही सुरू नइ होए के सेती ये दुनों के मिले कर कुल 158 एमओयू निरस्त करे के फइसला लिस। 

बैठक म जानकारी दीस के साल 2001 ले 2018 के बीच 3 लाख 3 हजार 115 करोड़ 70 लाख रूपिया के पूंजी निवेश के 211 एमओयू करे गे रिहिस, एमे वास्तविक पूंजी निवेश 78776.36 करोड़ रूपिया के होइस हावय। 67 एमओयू म उत्पादन सुरू हो चुके हावय, 61 एमओयू म क्रियान्वयन सुरू हो गे हावय, जबकि 55 एमओयू म बुता सुरू नइ होए हावयं, जेला निरस्त करे के फइसला लिस। इही रकम ले ग्लोबल इंवेस्टर्स मीट म 93 हजार 830 करोड़ रूपिया 69 लाख रूपिया पूंजी निवेश के 275 एमओयू करे गे रिहिस, एमे ले वास्तविक पूंजी निवेश 2003.59 करोड़ रूपिया के होइस हावय। 6 परियोजना म उत्पादन सुरू हो चुके हावय। 25 परियोजना म जगह चयन करके क्रियान्वयन सुरू हो गे हावय। बांचे 103 एमओयू म कोनो बुता सुरू नइ होइस हावय, जेला निरस्त करे के फइसला लिस गे। बइठक म अधिकारी मन ह बताइन के साल 2019 ले अब तक 115 एमओयू प्रभावशील हावयं। एमे प्रस्तावित पूंजी निवेश 46 हजार 937 करोड़ रूपिया हावयं। 92 परियोजना म क्रियान्वयन सुरू हो चुके हावय अउ एक म उत्पादन भी शुरू हो गे हावय। 23 नवा एमओयू म बुता सुरू होना हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !