मंत्री ह किहिन के किसान मन ल खाद-बीज के समस्या नइ होए चाही। सबो समिति मन म खाद-बीज के पर्याप्त स्टॉक रखे जाए। ओमन किहिन के चालू तेंदूपत्ता सीजन म तेंदूपत्ता के खरीदी अउ संग्रहण बुता के संग वनोपज संग्रहण के बुता ल व्यवस्थित रूप ले संचालित करे के निर्देश दिस। बइठक म ओमन मुख्यमंत्री वृक्षारोपण प्रोत्साहन योजना, नरवा के तहत करे जात बुता के संग ही गउठान म संचालित रोजगारमूलक गतिविधी के समीक्षा करके जरूरी दिशा-निर्देश दिस। निर्माण बुता के गुणवत्ता बढि़या होना चाही अऊ समय सीमा म बुता पूरा कराइन जाए। पेयजल या स्वास्थ्य संबंधी समस्या के तुरते निराकरण करे जाना चाही। स्वामी आत्मानंद उत्कृष्ट अंग्रेजी माध्यम स्कूल म कर्मचारी मन के भरती म स्थानीय आदिवासी युवा मन के प्राथमिकता दे जाए।
प्रभारी मंत्री ह किहिन के कोरोना संक्रमण के सेती कई परिवार के माता-पिता के मृत्यु ले लइका बेसहारा हो गे हावयं। अइसे बेसहारा लइका के पढ़ाई-लिखाई सुनिश्चित करे के खातिर मुख्यमंत्री भूपेश बघेल के पहल म महतारी दुलार योजना सुरू करे गे हावय। ए योजना म बेसहारा होए लइका के शिक्षा के खर्च राज्य सरकार डहर ले वहन करे जाही, येकर अलावा लइका ल छात्रवृत्ति भी दे जाही। ओमन कोरोना के सेती मरे शासकीय कर्मचारी मन के अनुकंपा नियुक्ति के प्रकरण के भी लघियात निराकरण करत नियुक्ति पत्र जारी करे अउ बेसहारा लइका ल महतारी दुलार योजना ले लाभान्वित करे के निर्देश दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।