किसान मन के फसल मन के बीमा के खातिर करार ऋणमान के पांच प्रतिशत प्रीमियम के रूप म देना होही। मौसम आधारित फसल बीमा योजना के अन्तर्गत जिला के किसान बीमा के लाभ ले के खातिर अपन नजदीकी लोक सेवा केंद्र, बैंक शाखा, सहकारी समिति, बीमा कंपनी बजाज एलायंस जनरल इंश्योरेंस कंपनी के प्रतिनिधि या शासकीय उद्यान रोपणी ले संपर्क करके अपन उद्यानिकी फसल मन के बीमा करवा सकत हावयं।
सहायक संचालक उद्यानिकी ह बताइन के उद्यानिकी फसल मन के बीमा के लाभ ले के इच्छुक भूधारक अउ बटाईदार किसान मनके घोषणा के संग फसल बोआई प्रमाण पत्र या फसल बोए के घोषणा पाती सहित आन जरूरी दस्तावेज प्रस्तुत करना होही। किसान मन उद्यानिकी फसल मन के बीमा कराये के खातिर वो फसल मन के खातिर करार ऋणमान के पांच प्रतिशत प्रीमियम रकम के रूप म देना होही। बांचे प्रीमियम के रकम के 50 प्रतिशत केंद्र अउ 50 प्रतिशत राज्य सरकार डहर ले दे जाही। अइसे ऋणी किसान जेन बीमा योजना के लाभ नइ लेना चाहते ओला भारत सरकार डहर ले करार फार्म भरके स्वयं के डहर ले हस्ताक्षर करे गे घोषणा पत्र, बीमा आवेदन के आखरी तिथि के सात दिन पहिली संबंधित कार्यालय म जमा करना होही। करार समय म हस्ताक्षर सहित घोषणा जमा नइ करे म संबंधित बैंक डहर ले स्वीकृत या नवीनीकृत अल्पकालीन कृषि करजा के संबंधित मौसम के खातिर अनिवार्य रूप ले बीमाकृत मान ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।