अंजोर.रायपुर, 05 जुलाई 2021। दीक्षांत समारोह अपन आप म एक अविस्मरणीय क्षण होथे, विशेषकर पढ़ईया मन के खातिर ये अति प्रसन्नता के क्षण होथे, काबर के ए दिन ओला अपन करे गे कठोर मेहनत के प्रतिफल मिलथे। दीक्षांत समारोह के मउका म पढ़ईया मन के उपाधि के संग-साथ राष्ट्र निर्माण के भी दीक्षा दे जात हावय। मोला विश्वास हावय के ये विद्यार्थी, नवा अउ आत्मनिर्भर भारत के निर्माण म अपन जरूरी योगदान देंगे। ये बात राज्यपाल सुश्री अनुसुईया उइके ह किहिन। वो आज ओ.पी. जिंदल विश्वविद्यालय रायगढ़ के पहिली दीक्षांत समारोह म मुख्य अतिथि बतौर वर्चुअल रूप ले संबोधित करत रिहिस। ए मउका म प्रावीण्य सूची म ठऊर मिले पढ़ईया मन ल गोल्ड, सिल्वर अउ ब्रांज मेडल अउ प्रमाण पत्र अउ डिग्री बांटे गिस। राज्यपाल सुश्री उइके ह उपाधि अउ मेडल पवइया पढ़ईया मन ल उंकर स्वर्णिम भविष्य के खातिर शुभकामना दीस।
राज्यपाल ह किहिन के दीक्षांत समारोह एक शिक्षण संस्थान के कैलेंडर म एक विशेष दिन हावय। ये सीखे के एक चरण के परिणीति के प्रतीक हावय अउ ए बात ले संतुष्ट होके भी पढ़ईया अब दुनिया के सामना पूरा योग्यता अउ क्षमता ले करे ल तत्पर हावयं। राज्यपाल ह ओ.पी. जिंदल विश्वविद्यालय रायगढ़ के उंकर उपलब्धि अउ ऑनलाईन दीक्षांत समारोह के खातिर शुभकामना दीस।
राज्यपाल ह किहिन के पढ़ईया मन ह ऑनलाइन दीक्षांत समारोह के बजाय वास्तविक दीक्षांत समारोह के प्राथमिकता दीस, फेर कोविड-19 महामारी के सेती ये न्यू नार्मल हो गे हावय। ए ऑनलाइन दीक्षांत समारोह के आयोजन म ओ.पी. जिंदल विश्व विद्यालय के प्रयास के मैं सराहना करत हावं।
राज्यपाल ह पढ़ईया मन के अभिभावक ल बधाई देत किहिन के आज के दिन तुँहर माता-पिता के खातिर भी आनंद के दिन हावय, जेन मन शिक्षित करे म काफी मेहनत करे हावय। निश्चित तौर म कई मामला म तुँहर माता-पिता ह तुँहर समुचित शिक्षा सुनिश्चित करे के खातिर अपन व्यक्तिगत खुशी ल भी त्याग करे होही, जेकर ले तुँहर भविष्य बढि़या बन सके। इही सेती ये दिन जतका तुँहर हावय, समान रूप ले उतना ही तुँहर माता-पिता के भी हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।