जगतगुरु शंकराचार्य स्वामी निश्चलानंद सरस्वती जी के प्राकट्य महोत्सव म उनला नमन करिस सीएम बघेल

अंजोर.रायपुर, 5 जुलाई 2021। गोवर्धनमठ पुरीपीठाधीश्वर जगतगुरू शंकराचार्य स्वामी निश्चलानंद सरस्वती के 78वें प्राकट्य महोत्सव, 7 जुलाई, अषाढ़ कृष्ण त्रयोदशी, म ओला प्रणाम अर्पित करत मुख्यमंत्री भूपेश बघेल ह उंकर दीर्घायु जीवन के कामना करिस। ओमन अपन शुभकामना संदेश म किहिन के जगद्गुरु शंकराचार्य स्वामी श्री निश्चलानन्द सरस्वती जी भारत के अइसे सन्त हावयं, जेकर ले आधुनिक युग म विश्व के सर्वोच्च वैधानिक संगठन मन संयुक्त राष्ट्र संघ अउ विश्व बैंक तक ह मार्गदर्शन पाय हावय। जगतगुरु स्वामी निश्चलानंद सरस्वती के अवतरण ले भारत-भूमि म युग-चेतना के नव-प्रवाह शुरु होइस। ओमन वैदिक सिद्धांत ल सरलता के संग जन-जन तक पहुंचाइन अउ आध्यात्मिक जटिलता के वैज्ञानिक अउ व्यावहारिक दृष्टि ल समझे के प्रेरणा दीस। मुख्यमंत्री श्री बघेल ह किहिन हावय के हम सबके बीच वो प्रकाश-पुंज के रकम ले हावयं, जेकर ले हम सही रसता तलाश पात हावन, उंकर कृपा सदैव छत्तीसगढ़ म बने रिही।