अंजोर.बेमेतरा, 06 जुलाई 2021। जल शक्ति मंत्रालय, पेयजल अउ स्वच्छता विभाग, भारत सरकार डहर ले फिल्म के अमृत महोत्सव के आयोजन करे जात हावय। जेमा स्वच्छता अउ ओडीएफ प्लस के आने-आने घटक गे सुघ्घ र प्रयास म लघु फिल्म के निर्माण बर प्रतियोगिता के आयोजन करे हावय, जेकर लक्ष्य स्वच्छ भारत मिशन (ग्रामीण) के द्वितीय चरण मुताबिक ओडीएफ प्लस के लक्ष्य प्राप्ति हावयं। ये प्रतियोगिता सबो भारतीय नागरिक/ग्रामीण क्षेत्र म कार्यरत सबो संस्था/सामुदायिक संगठन मन के खातिर हावय। कलेक्टर बेमेतरा भोस्कर विलास संदीपान ह सबो जनपद पंचायत मन के मुख्य कार्यपालन अधिकारी मन ल निर्देशित करत किहिन के सबो गांव पंचायत मन ल ये प्रतियोगिता म भाग ले बर प्रोत्साहित करें। ये प्रतियोगिता निम्न 2 श्रेणी म आयोजित करे जात हावय:-
प्रथम श्रेणी:- विषयगत श्रेणी-ओडीएफ प्लस के 6 घटक ल सामिल करत फिल्म के निर्माण करे जाना। विषयगत श्रेणी ले निम्नानुसार नगद पुरस्कार दे जाही:-
श्रेणी-1 (विषयगत श्रेणी)
1. जैविक अपशिष्ट प्रबंधन
2. गोबरधन
3. प्लास्टिक अपशिष्ट प्रबंधन
4. ग्रे-वाटर प्रबंधन
5. फिकल स्लज मैनेजमेंट
6. व्यवहार परिवर्तन
प्रथम पुरस्कार - रूपिया 1,60,000/-
द्वितीय पुरस्कार - रूपिया 60,000/-
तृतीय पुरस्कार - रूपिया 30,000/-
द्वितीय श्रेणी:- भौगोलिक श्रेणी।
भौगोलिक श्रेणी ले निर्माण करे जाये वाला फिल्म म समग्र स्वच्छता के संदेश होना चाही या भौगोलिक क्षेत्र जइसे ग्रामीण क्षेत्र, पहाड़ी अउ दूरगामी क्षेत्र, मैदानी क्षेत्र म ठोस अउ तरल अपशिष्ट प्रबंधन के समाधान संबंधित नवाचार सामिल होना चाही। भौगोलिक श्रेणी ले निम्नानुसार नगद पुरस्कार दे करे जाही:-
श्रेणी-2 (भौगोलिक श्रेणी)
1. मरूस्थलीय क्षेत्र
2. पहाड़ी क्षेत्र
3. तटीय क्षेत्र
4. मैदानी क्षेत्र
5. बाढ़ संभावित क्षेत्र
प्रथम पुरस्कार - रूपिया 2,00,000/-
द्वितीय पुरस्कार - रूपिया 1,20,000/-
तृतीय पुरस्कार - रूपिया 80,000/-
मोबाईल फोन के माध्यम ले अच्छा गुणवत्ता वाला विडियो रिकार्डिंग या विडियोग्राफर ले फिल्म के निर्माण करे जा सकत हावय। फिल्म के बखत न्यूनतम 1 ले अधिकतम 5 मिनट तक होना चाही। फिल्म म भाषा के कोनो बंधन नइ रइही, ये कोनो भी प्रादेशिक भाषा म निर्माण करे जा सकत हावय। प्रतियोगिता के मुख्य लक्ष्य ओडीएफ स्थायित्व के बनाए रखना अउ जादा ले जादा ग्रामीण सामुदाय ल स्वच्छता के ए आंदोलन म जोड़ के ग्राम पंचायत मन ल ओडीएफ प्लस बनाना हावय। ये फिल्म निर्माण प्रतियोगिता के ले उत्कृष्ट फिल्म निर्माण करे वाला प्रतिभागी के चयन समिति डहर ले चयनित करत राष्ट्रीय स्तर के स्वच्छता उत्सव के बखत नवा दिल्ली म पुरस्कृत करे जाही। फिल्म के निर्माण करके ल्वनजनइम म अपलोड करे होही। अपलोड करे के पाछु (https://innovateinida.mygov.in/sbmg.innovation.challenge) ए लिंक के माध्यम ले अपन मोबाईल नंबर अउ ईमेल आईडी दर्ज करत होए नया एकाउंट बनाके Youtube म अपलोड करे गे फिल्म के लिंक ल प्रविष्टि करना होही। प्रतियोगिता के समय-सीमा 15 अगस्त 2021 तक हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।