अंजोर.धमतरी,16 जुलाई। छत्तीसगढ़ शासन के निर्देश के मुताबिक सामान्य धान के बदला जिला म बॉयो फोर्टिफाइड धान के खेती ल बढ़ावा दे जात हावय। येकर खातिर कलेक्टर पीएस एल्मा के मार्गदर्शन म विशेष अभियान चलाये जात हावय। उप संचालक कृषि ह बताइन के बॉयो फोर्टिफाइड के आशय धान के अइसे किस्म ले हावय जेमा जिंक, आयरन, प्रोटीन अउ विटामिन सामान्य धान के तुलना म जादा मात्रा म हो।
ओमन बताइन के जिला म कृषि सुधार विस्तार कार्यक्रम (आत्मा) के तहत धमतरी विकासखण्ड के गांव परेवाडीह, पोटियाडीह, भोयना, रूद्री, गोकुलपुर, बोड़रा, नगरी ब्लॉक के गांव मल्हारी अउ कुरूद विकासखण्ड के गांव गाड़ाडीह म जैविक किसान प्रदर्शन बीजोत्पादन कार्यक्रम के रूप म पहिली बार 21 एकड़ रकबा म बॉयो फोर्टिफाइड, जिंक राइस अउ जिंको राइस दो-दो एकड़ क्षेत्र म उत्पादन करे जात हावय। संग ही प्रोटाजिंस दू एकड़ रकबा म धमतरी के गांव पुरी अउ कुरूद के गांव भेंडरवानी म आयोजित करे गे हावय। उप संचालक कृषि ह बताइन के ये तीन प्रजाति ल छ.ग. राज्य बीजहा निगम अउ कृषि विकास निगम ले हितग्राही किसान मन के बीजोत्पादन के रूप म पंजीयन कराके अवइया साल म बॉया फोर्टिफाइड धान प्रजाति ले बीजहा उपलब्धता ल बढ़ाये जाना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।