अंजोर.बीजापुर, 03 जून 2021। सिलगेर म चलत रैली म शामिल गांव वाला मनके मांग अउ घटना के जांच करे खातिर सांसद बस्तर संसदीय क्षेत्र दीपक बैज के अध्यक्षता म विधायक मनके टीम डहर ले गांव वाला ले मुलाकात कर के उंकर आने-आने मांग म सकारात्मक गोठबात करिन। जांच दल ह उंकर मांग मन म सकारात्मक पहल करत विकास के मुद्दा म समिति बनाये के सहमति दीस अउ गांव वाला डहर ले आन मांग रखे जाये म पूरा करे के आश्वासन दीस।
मिले आरो के मुताबिक ए मउका म विधायक बस्तर अउ बस्तर विकास प्राधिकरण के अध्यक्ष लखेश्वर बघेल, संसदीय सचिव चंदन कश्यप, विधायक चित्रकोट अउ बस्तर विकास प्राधिकरण के उपाध्यक्ष राजमन बेंजाम, बीजापुर विधायक अउ बस्तर विकास प्राधिकरण के उपाध्यक्ष विक्रम मंडावी, विधायक केशकाल संतराम नेताम, विधायक कांकेर शिशुपाल सोरी सहित जिला पंचायत अध्यक्ष शंकर कुड़ियम, उपाध्यक्ष कमलेश कारम, बस्तर कमिश्नर जी आर चुरेन्द्र, पुलिस महानिरीक्षक पी सुंदरराज, डीआईजी सीआरपीएफ कोमल सिंह, कलेक्टर बीजापुर रितेश कुमार अग्रवाल, कलेक्टर सुकमा विनीत नंदनवार, एसपी बीजापुर कमलोचन कश्यप सहित अधिकारीगण अउ गांव वाले मन उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।