अंजोर.रायपुर 03 जून 2021। कलेक्टर डॉ एस. भारती दासन ह कलेक्टोरेट सभाकक्ष म राज्य प्रवर्तित सिटी डाइग्नोस्टिक सेंटर योजना के संचालन अउ क्रियान्वयन के खातिर गठित अर्बन पब्लिक सर्विस सोसायटी के बइठक लिस। बइठक म कलेक्टर ह किहिन के शासन डहर ले नगर पालिक निगम क्षेत्र म समुचित स्वास्थ्य सुविधा उपलब्ध कराये बर राज्य प्रवर्तित सिटी डाइग्नोस्टिक सेंटर योजना प्रारम्भ करे गिस हावय। येकर ले नागरिक के उच्च गुणवत्ता के सस्ता पैथालॉजी अउ डाइग्नोस्टिक सेंटर योजना के लाभ मिलही।
ये योजना के माध्यम ले लोगन ल अपन सरलग जांच जइसे खून जांच, लिपिड प्रोफाईल, सीटी स्कैन, एमआरआई आदि के सुविधा मिल सकही। साधारण सभा के बइठक म रायपुर अर्बन पब्लिक सर्विस सोसायटी के माध्यम ले डायग्नोसिस सेंटर नगर निगम रायपुर, बीरगांव अउ धमतरी म संचालित करे बर प्रस्ताव साधारण सभा डहर ले अनुमोदित करे गे हावय। येकर खातिर निविदा आमंत्रित करे के अनुमति दे गिस हावय। येमा डायग्नोसिस सेंटर संचालक के शासन डहर ले करार दर म भी डिस्कॉउन्ट दे जाही।
बइठक म बीरगांव अउ धमतरी म संचालित मुख्यमंत्री शहरी स्लम स्वास्थ्य योजना के तहत आमंत्रित निविदा म मिले दर के कार्योत्तर अनुमोदन करे गिस। ए मउका म रायपुर निगम आयुक्त सौरभ कुमार सहित धमतरी, गरियाबंद, बलौदाबाजार अउ महासमुंद के सोसायटी के सदस्यगण वर्चुअल रूप ले उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।