जानकारी के मुताबिक जिला जांजगीर चांपा निवासी चंद्रकुमार चौहान अउ मिट्ठूमुड़ा रायगढ़ निवासी अशोक जोशी डहर ले साल 2015-16 म सुभाष नगर रायगढ़ फ्लैट नंबर 37 म उत्थान सिक्योरिटी एसएमसी ग्लोबल कंपनी के नाम ले शेयर ट्रेडिंग कार्यालय खोला गे रिहिस। दुनों कार्यालय म दुष्यंत कुमार सहिस के ऑफिस मैनेजमेंट, द्वारका पटेल के एजेंट अउ गीता साव, सपना साहू ल आफिस बुता के म रखे रिहिस। कम्पनी म चंद्र कुमार चौहान अउ अशोक जोशी शेयर ट्रेडिंग के बुता करत रिहिस, दुनों पहिली अपन कर्मचारी मनला कम्पनी म रकम निवेश करे ल बोले जेकर ले वेतन अउ 5% प्रोत्साहन रकम दे के वादा करे, जेन म दुष्यंत कुमार सहिस अउ आफिस स्टाफ कम्पनी म निवेश करिन।
येकर बाद संचालक डहर ले ग्राहक ले निवेश कराये के दबाव डाले म एजेंट डहर ले आन पांच लोगन ले 2,40,000 जमा कराइन। ये रकम ल शेयर मार्केट म लगाये अउ 3 ले 5% मासिक ब्याज दे के प्रलोभन चंद्र कुमार चौहान अउ अशोक जोशी डहर ले निवेशक ल देगे म दुनों निवेशक के रूपिया लौटाये के पहिली ही धोखाधड़ी करके कार्यालय के बंद करके फरार हो गे रिहिस।
प्रार्थी दुष्यंत कुमार सहिस पिता भुनेश्वर सहिस उमर 33 साल निवासी औरदा थाना पुसौर डहर ले दिनांक 11/04/2016 म थाना कोतवाली म धोखाधड़ी के रिपोर्ट दर्ज कराइन जेन म अपराध क्रमांक 203/16 धारा 420,34 भादवि अउ निवेशक के हित के संरक्षण अधिनियम के धारा 6,10 के तहत आरोपी चंद्र कुमार चौहान अउ अशोक जोशी के विरुद्ध अपराध पंजीबद्ध करके विवेचना म लिस।
आरोपीगण की गिरफ्तारी के खातिर कोतवाली पुलिस डहर ले सरलग इंकर गृहग्राम अउ मिले के संभावित ठऊर मन म दबिश देत रिहिस। दुनों नाम, पता बदलके लुक छिप करके रहत रिहिस। एसपी संतोष कुमार सिंह डहर ले लंबित चिटफंड मामला के समीक्षा बर एडिशनल एसपी अभिषेक वर्मा ल निर्देशित करिन, जेकर डहर ले 29 मई 2021 के कन्ट्रोल रूम म प्रभारी की मीटिंग लेके प्रकरण के निकाल के संबंध म जरूरी दिशा निर्देश दे गे रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।