कैनरा बैंक के ठग सुहास हरिशचंद्र काले गिरफ्तार, कमर्चारी ले मिलके करोड़ों रूपिया के करय ठगी

अंजोर.रायपुर, 4 जून 2021। कैनरा बैंक म होए करोड़ो रूपिया के ठगी म अंतर्राज्यीय आरोपी सुहास हरिशचंद्र काले ल रायपुर पुलिस गिरफ्तार करे हावय। राजधानी म बइठे बड़ शातिर तरीका ले बैंक कर्मचारी संग मिलके बड़का घटना ल आसानी ले अंजाम देने वाला ठग के विरूद्ध थाना आमानाका म अपराध क्रमांक 98/21 धारा 420,467,468,471, 469, 409, 120बी, 34 भादवि. के तहत् अपराध पंजीबद्ध करे गे हावय। मिले आरो के मुताबिक गिरफ्तार आरोपी 01. सुहास हरिशचंद्र काले पिता हरिशचंद्र विष्णु पंत काले उम्र 32 वर्ष निवासी आर्या नगर कोराडी नाका नंबर 01 थाना कोराडी जिला नागपुर महाराष्ट्र अउ आलोक कुमार वर्मा पिता अखिलेश वर्मा उम्र 38 वर्ष निवासी टाटीबंध थाना आमानाका जिला रायपुर के खिलाफ आगू के कार्यवाही करे जात हावय।