अंजोर.धमतरी, 4 जून 2021। कुरुद म चोरी के नियत ले चंद्राकर शिक्षक दंपत्ति हत्याकांड म धमतरी पुलिस सरलग कार्यवाही करत अब मुख्य आरोपी के बाद ओकर जानकारी होए के बाद भी नइ बताये के सेती ममा अउ दाई ल गिरफ्तार करे हावय।
पुलिस कोति ले मिले आरो के मुताबिक आरोपी राहुल दिली ल गिरफ्तार करके, जानकारी अउ समान के बरामदगी बर पुछताछ करे म ओमन सबो बात ल बताइन। आरोपी घटना ल अंजाम दे के बाद घर जाके अपन मां ल गहना दिस अउ दूसर दिन भागके अपन ससुराल होवत मामा के घर गणेशपुर चले गे, जिहा वारदात के पूरा जानकारी अपन मामा टेकराम अउ मां प्रीति दिली ल तको दिस।
घटना के पूरा जानकारी होए के बावजूद आरोपी राहुल दिली के मामा व मां डहर ले घटना ल छुपाके चुराए गहना लुको राखे म सहयोग करे हावय। इही आधार आरोपी के मामा के सकूनत ग्राम गणेशपुर अउ मां प्रीति दिली ल भादवि के धारा 460, 382, 201, 212, 414 जोड़त हुए आरोपी के अपराध स्वीकारे अउ साक्ष्य के आधार म दुनों ल गिरफ्तार करके वैधानिक कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।