अंजोर.रायपुर, 04 जून 2021। रोजगार सुरू करे बर मुख्यमंत्री युवा स्वरोजगार योजना ले इच्छुक अउ पात्र आवेदक ले आवेदन आमंत्रित करे गे हावयं। ए योजना के विनिर्माण उद्यम बर अधिकतम परियोजना लागत रूपिया 25 लाख, सेवा उद्योग बर अधिकतम परियोजना लागत रूपिया 10 लाख अउ व्यवसाय बर अधिकतम परियोजना लागत रूपिया 2 लाख तक के करजा बैंकों के माध्यम ले स्वीकृत करे जाही।
येकर खातिर इच्छुक आवेदक जरूरी दस्तावेज अउ प्रस्तावित योजना के संग जिला व्यापार अउ उद्योग केन्द्र, उद्योग भवन, तृतीय तल, रिंग रोड नं.-1, तेलीबांधा, रायपुर म संपर्क करके आवेदन कार्यालयीन समय म ले अउ जमा कर सकत हावय। जिला उद्योग केंद्र, रायपुर के मुख्य महाप्रबंधक वी के देवांगन ह बताइन के एकर बर कार्यालय म संबंधित क्षेत्र के अधिकारी मन डहर ले ओला उचित मार्गदर्शन देत फार्म पूरा कराये बर जरूरी सहयोग करे जाही। योजना के संबंध म कोनो भी रकम ले समस्या या जानकारी ले बर कार्यालय के अधिकारी ले संपर्क करे जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।