मंत्री डॉ. डहरिया ह चंदखुरी म कौशल्या महतारी मंदिर क्षेत्र म निर्माणाधीन बुता के करिन अवलोकन

अंजोर.रायपुर, 14 जून 2021। नगरीय प्रशासन मंत्री डॉ. शिव कुमार डहरिया ह गांव चंदखुरी म महतारी कौशल्या मंदिर क्षेत्र म राम वन गमन पर्यटन परिपथ परियोजना के तहत चलत विकास अउ सौन्दर्यीकरण बुता के अवलोकन करिन। मंत्री डॉ. डहरिया ह निर्माण बुता के प्रगति म गोठबात करके बुता के जानकारी लिस। ए बखत ओमन मंदिर म महतारी कौशल्या के दर्शन करके अउ प्रदेश के खुशहाली के खातिर आशीर्वाद मांगिस। निरीक्षण के बखत जनपद अध्यक्ष खिलेश्वर देवांगन, नगर पंचायत अध्यक्ष रविशंकर धीवर, कोमल सिंह साहू उक उपस्थित रिहिस।

जानबा होवय के राम वन गमन पर्यटन परिपथ परियोजना के तहत चंदखुरी म मंदिर के सौंदर्यीकरण अउ परिसर विकास के बुता दू चरण म बुता पूरा करे जाना हावय। येकर खातिर लगभग 15 करोड़ रूपिया के स्वीकृति दे गे हावय। चंदखुरी के पर्यटन-तीर्थ के रूप म विकसित करे जात हावय। चंदखुरी के प्राचीन कौशल्या महतारी मंदिर के सौंदर्यीकरण के संग-संग नागरिक सुविधा के विकास भी करे जात हावय। तालाब के सौंदर्यीकरण करत मंदिर-टापू ल अउ भी आकर्षक अउ सुव्यवस्थित करे जात हावय। पौराणिक कथा ले चंदखुरी के संबंध के मुताबिक पूरा परिसर के वास्तु के डिजाइन करे गे हावय। तालाब मंदिर तक पहुंचे के खातिर तालाब म नवा डिजाइन के पुल तइयार करे जात हावय। तालाब म घाट अउ चार तनि परिक्रमा-पथ के निर्माण करे जात हावय। दर्शनार्थी मनके गाड़ी के खातिर पार्किंग सुविधा भी विकसित करे जात हावय। एमा पूरा परिसर म आकर्षक विद्युत साज-सज्जा भी करे जाही।