राजनांदगांव के नवा कलेक्टर तारन प्रकाश सिन्हा करिस कार्यभार ग्रहण

अंजोर.राजनांदगांव, 7 जून 2021। जिला के नवा कलेक्टर तारन प्रकाश सिन्हा ह आज कार्यभार ग्रहण कर लिस हावय। पहिली कलेक्टर टोपेश्वर वर्मा ह नवनियुक्त कलेक्टर तारन प्रकाश सिन्हा ल कार्यभार सउपिस। जानबा होवय के कलेक्टर तारन प्रकाश सिन्हा साल 2012 बैच के भारतीय प्रशासनिक सेवा के अधिकारी हावयं। कार्यभार ग्रहण के बखत पुलिस अधीक्षक डी श्रवण, अपर कलेक्टर सीएल मारकण्डेय, नगर निगम आयुक्त आशुतोष चतुर्वेदी, संयुक्त कलेक्टर वीरेन्द्र सिंह, डिप्टी कलेक्टर श्रीमती लता उर्वशा, एसडीएम राजनांदगांव मुकेश रावटे, डिप्टी कलेक्टर डॉ. दीप्ती वर्मा तको उपस्थित रिहिस।