अंजोर.नई दिल्ली, 7जून 2021। प्रधानमंत्री ह ए महामारी म जान गंवाने वाला लोगन के प्रति शोक व्यक्त करिन। ए महामारी के पाछु सौ साल म सबले बड़का आपदा बताते होए, ओमन एला एक अइसे महामारी के रूप म चिन्हित करिन जेला आधुनिक दुनिया म न त देखे गे अउ न ही अनुभव करे गे। प्रधानमंत्री ह किहिन के देश ह ए महामारी ले कई मोर्चा म लड़ाई लड़ीस। श्री मोदी ह कई जरूरी घोषणा करिस। टीकाकरण के रणनीति म पुनर्विचार करत अउ 1 मई ले पहिली के बेवस्था के वापस लाने के कई राज्य के मांग ल देखत होए, प्रधानमंत्री ह घोषणा करिन के राज्य के जिम्मे जेन 25 प्रतिशत टीकाकरण रिहिस, ओला अब भारत सरकार डहर ले करे के फइसला लिस। ए फइसला के दू सप्ताह म अमल म ला दे जाही। दू सप्ताह म केन्द्र अउ राज्य नवा दिशानिर्देश के मुताबिक जरूरी तइयारी करही।
प्रधानमंत्री ह आगू घोषणा करिस के अवइया 21 जून से, भारत सरकार 18 साल ले जादा उमर के सबो भारतीय नागरिक ल मुफ्त टीका देही। भारत सरकार टीका के उत्पादक के कुल उत्पादन के 75 प्रतिशत खरीदही अउ राज्य ल मुफ्त मुहैया कराही। कोनो भी राज्य सरकार के टीका के खातिर कुछ भी खर्च नइ होही। अब तक करोड़ों लोगन ल मुफ्त टीका मिल चुके हावय, अब एमे 18 साल वाला उमर – वर्ग ल जोड़े जाही। प्रधानमंत्री ह ए बात ल दोहराइस के भारत सरकार सबो नागरिक ल मुफ्त टीका उपलब्ध कराही। श्री मोदी ह बताइन के निजी अस्पताल मन डहर ले 25 प्रतिशत टीका के सोज खरीदी के बेवस्था जारी रइही। राज्य सरकार ए बात के निगरानी करही के निजी अस्पताल मन डहर ले टीका के करार कीमत म केवल 150 रूपिया के सर्विस चार्ज ले जाए।
एक आन बड़का घोषणा के तहत, प्रधानमंत्री श्री मोदी ह प्रधानमंत्री गरीब कल्याण अन्न योजना ले दीपावली तक बढ़ाये के फइसला ले अवगत कराइन। यानी नवंबर तक, 80 करोड़ लोगन ल हर महीना करार मात्रा म मुफ्त अनाज मिलता रइही। प्रधानमंत्री ह किहिन के ए महामारी के बखत सरकार गरीब मन के संग उंकर सबो जरूरत के खातिर उंकर दोस्त के रूप म खड़े हावय। अप्रैल अउ मई के महीना के बखत ए महामारी के दूसरी लहर के बखत मेडिकल ऑक्सीजन के मांग म अभूतपूर्व बड़वार ल याद करत, प्रधानमंत्री ह किहिन के सरकार के सबो तंत्र ल तैनात करके ए चुनौती ले युद्धस्तर म निपटाइस। श्री मोदी ह किहिन के भारत के इतिहास म मेडिकल ऑक्सीजन के इतना मांग पहिली कभू नइ महसूस करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।