अंजोर.रायपुर, 7 जून 2021। छत्तीसगढ़ के मुख्यमंत्री भूपेश बघेल ह किहिन के प्रधानमंत्री नरेन्द्र मोदी जी के फोकट म वैक्सीनेशन के घोषणा देरी ले लिस। ओमन किहिन के वैक्सीन के सरलग आपूर्ति केन्द्र सरकार कइसे करही, इही सबले बड़का चुनौती हावय। मुख्यमंत्री ह किहिन के हमन छत्तीसगढ़ विधानसभा म बजट सत्र म ही ये घोषणा कर देन के छत्तीसगढ़ म हम हर मनखे के फोकट म वैक्सीनेशन करही। केन्द्र सरकार ह स्वास्थ्य कार्यकर्ता, फ्रंटलाईन वर्कर अउ 45 साल के जादा उमर के खातिर त फोकट म वैक्सीनेशन के बेवस्था करिस फेर जब 18 ले 44 उमर वर्ग के बात आइस त ओमन ये राज्य के ऊपर छोड़ दिस, तब भी सबो राज्य के मुख्यमंत्री ह प्रधानमंत्री ले फोकट म वैक्सीनेशन के मांग करे रिहिस, फेर ओमन सुनिस नहीं। बाद म राज्य ह अपन खजाना ले वैक्सीनेशन के बेवस्था करिस।
मुख्यमंत्री ह किहिन के मुख्य समस्या वैक्सीन के पूर्ति के हावय। हम एक मई ले 7 जून तक छत्तीसगढ़ म केवल 9 लाख 38 हजार 530 वैक्सीन डोज ही मिले होए। ये रफ्तार वैक्सीन उपलब्ध कराये के रइही हावय। जब वैक्सीन ही उपलब्ध नइ करा पाही, डोज कइसे लगही। ओमन किहिन के राज्य म जेन आरोप लगाए जात हावय वो गलत हावय। छत्तीसगढ़ सरकार के स्वास्थ्य विभाग डहर ले अब तक 1.5 करोड़ वैक्सीन डोज के ऑर्डर कोवैक्सीन अउ कोविशील्ड वैक्सीन दुनों उत्पादक कंपनी ल दे गे हावय, जेकर विरुद्ध अब तक 14 लाख 18 हजार 700 डोज (11 लाख 66 हजार 630 कोविशील्ड डोज अउ 2 लाख 52 हजार 70 कोवैक्सीन डोज) के खातिर कुल 47 करोड़ 34 लाख रूपिया के भुगतान करे जा चुके हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।