अंजोर.नारायणपुर,2 जून 2021। पुलिस विभाग के बड़का अधिकारी मनके बताती नारायणपुर जिला म 5 लाख के 05 ईनामी नक्सली भारी अकन बंदूक अउ आन जिनिस संग पकड़ाये हावय। मिले आरो के मुताबिक थाना ओरछा ले जिला बल अउ डीआरजी संयुक्त पुलिस पार्टी गांव गोमागाल, उसेली, हसनार तनि रवाना करे गे रिहिस। जिहा बिहनिया डेंगलपुट्टीपारा गोमागाल जंगल (थाना ओरछा) म माओवादी नक्सली मन डहर ले पुलिस पार्टी ल जान सहित मारे अउ हथियार लूटे के नियत ले अंधाधुन्ध फायरिंग करे गिस। पुलिस पार्टी डहर ले आत्मसुरक्षा खातिर जवाबी फायरिंग करे गिस।
आधा घंटा चले फायरिंग के बाद पुलिस पार्टी घेराबंदी करके घटनास्थल ले 05 नक्सली मन ल पकड़े म सफलता मिलिस जेमा 1. बुधराम कवाची उर्फ दोर्दी पिता स्व. गुलडी कवाची, 25 साल, जाति-माडिया, निवासी डेंगलपुट्टीपारा, गोमागाल, थाना ओरछा (कुतुल एरिया कमेटी सदस्य) 2. अड़मा कवाची पिता मुंगडू राम कवाची, 35 साल जाति-माड़िया, निवासी-डेंगलपुट्टीपारा गोमागाल, थाना ओरछा (गोमागाल मिलिशिया सदस्य) 3. मिरिया धु्रवा पिता स्व. पण्डरू धु्रवा उम्र-32 साल जाति-माड़िया, निवासी धुरबेड़ा, थाना ओरछा (धुरबेड़ा मिलिशिया सदस्य) 4. नाचू धु्रवा पिता कारू राम धु्रवा, 22 साल जाति-माड़िया, निवासी गोमागाल, थाना ओरछा (गोमागाल मिलिशिया सदस्य) 5. पीसो कवाची पिता बोन्दू कवाची उम्र-44 साल जाति-माड़िया, निवासी डेंगलपुट्टीपारा गोमागाल, थाना ओरछा (गोमागाल मिलिशिया सदस्य) सपड़ म आये हावय।
गिरफ्तार नक्सली बुधराम कवाची उर्फ दोर्दी के विरूद्ध राज्य शासन डहर ले पद के मुताबिक 05 लाख रूपिया के ईनाम घोषित हावय। गिरफ्तार नक्सली मन के कब्जा ले बंदूक-03 नग, पीट्ठू-01 नग, साल्डरिंग आयरन-04 नग, नक्सली साहित्य-02 नग, कापी-01 नग, डेटोनेटर-06 नग, बैटरी-01 नग, स्वीच-01 नग, कनेक्टर-01 नग बरामद करे गे हावय। पुलिस पार्टी डहर ले दिनांक 01 जून के घटना के थाना ओरछा म अपराध क्रमांक-09/2021 धारा-307,147,148,149 भादवि, 25, 27 आम्र्स एक्ट 3, 4 विपअ कायम करके 05 नक्सली मनला गिरफ्तार करके माननीय न्यायालय के समक्ष पेश करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।