अंजोर.गरियाबंद, 1 जून 2021। पुलिस ल मुखबिर ले मिले आरो के आधार म कार्यवाही करत मादक पदार्थ गांजा बिक्री बर उड़ीसा राज्य के तनि ले छुरा होके रायपुर तनि जात आरोपी ल पकड़े गे हावय। पुलिस के बताती थाना प्रभारी छुरा संतोष भुआर्य के नेतृत्व म टीम गठित करके ख़िरझिटी के पास पहुंच के नाकेबंदी करे गिस अउ आरोपी राजेन्द्र खूंटे निवासी गांव तेंदुवा थाना राखी जिला रायपुर के निवासी ले थैले म भरे मादक पदार्थ गांजा ल तौल कराये म कुल 4.500 किलो गांव किमती 22,500 रूपिया अउ एक नग मोटर सायकल कीमती 30,000 रूपिया जुमला किमती 53,500 / रूपिया मुताबिक जप्ती करे गे हावय। आरोपी के खिलाफ धारा सदर 20 ( ख ) नारकोटिक एक्ट के घटित होए के सेती गिरफ्तार करके न्यायिक अभिरक्षा म जेल भेजे जात हावय। ये कार्यवाही म थाना प्रभारी निरीक्षक संतोष कुमार भुआर्य, सउनि श्रवण विश्वकर्मा आरक्षक, हरिहर साहू, माधव साहू, राजेन्द्र गायकवाड़, पुष्पेन्द्र साहू, जोहन आदित्य के सराहनीय भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।