भगाके बिहाव नइ करिस ते सेती मयारू ल जान से मरइया बैरी सजन पहुंचिस जेल, ....कइसे होइस खुलासा पढ़व पूरा अंजोर म

अंजोर.कोरबा, 2 जून 2021। कटघोरा थाना के गजब गभीर मामला म 12 घण्टा के अंदर सुलझावत पुलिस आरोपी ले पकड़े हावय। पुलिस के बताती त्रिकोणीय प्रेम म एक शातिर प्रेमी ह अपने प्रेमिका के सुनियोजित तरीका ले हत्या करे रिहिस। मिले के ओखी आधा रात म बुलाइस अउ घर के बाहिर बाड़ी म साड़ी के फंदा ले गला घोंट के निर्मम हत्या कर दिस। ओकर बाद मृतिका के मोबाईल ले अपराध ले बांचे बर मृतिका के पिता के खिलाफ संदेश भेजके पिता ल ही आरोपी बनाये के चाल कर दिस। किथे के मृतिका ल जबरन भगाके आर्य मंदिर म बिहाव करे के चाहत रिहिस फेर वो हा अपन माता पिता के मरजी के बिगर बिहाव नइ करिस तेकरे रिस म ओकर हत्या होगे।

पढ़व पूरा हत्या के मामला Korba Police पुलिस डायरी ले...,

मामला ए रकम ले हावय के 29 जनू के मृतिका के पिता दिगपाल दास वैष्णव निवासी तुमान ह फोन करके पुलिस ल बताइन के उंकर लड़की कृष्णा वैष्णव उमर 21 साल के शव घर के पाछु बाड़ी म जमीन म पड़े हावय, जेकर गला म साड़ी लिपटाय हाबे। मामला गंभीर होए के सेती पुलिस के बड़का अधिकारी मन  अनुविभागीय अधिकारी पुलिस कटघोरा के नेतृत्व अउ मार्गदर्शन म हमराह थाना प्रभारी कटघोरा अविनाश सिंह के टीम गठित करके घटना जगह के लघियात निरीक्षण करके मृत्यु के वास्तविक सेती पता लगाये खातिर रवाना होइन। गांव तुमान मृतिका के घर पहुंच के घटना जगह के निरीक्षण करिन अउ मृतिका के शव ल देखे म मामला गला दबाके लगिस। तुरते ही मउका म डॉग स्कॉट, फोरेंसिक टीम, सायबर टीम के बुलवाये गिस। 

ओकर बाद घटना जगह अउ मृतिका के शव के महिला मन के उपस्थिति म बारिकी ले निरीक्षण करिन। पड़ोसी अउ गांव के आसपास के लोगन ले घटना के संबंध म बारिकी ले पूछताछ करे गिस। मामला संदिग्ध होए ले मृतिका के शव के पीएम बर रवाना करिन अउ मृतिका के मोबाईल के मउका म ही सायबर टीम के माध्यम ले बारिकी ले चेक करे गिस। जांच म पता चलिस के मृतिका के गांव पुटुवा तुमान के ही संजय चौहान ले सरलग चैटिंग के माध्यम ले मोबाईल म गोठबात होवे,  चैटिंग के आधार म आपस म प्रेम संबंध होना पाये गिस। ये अहम जानकारी मिले म संजय चौहान ल तुरते ही उंकर घर पुटुवा टीम भेजके मउका म लाया गिस अउ मोबाईल म हुये चैटिंग अउ लड़की के संग संबंध के बारे म पूछताछ करिन। जेन म संजय चौहान ह मृतिका कृष्णा कुमारी वैष्णव के संग पाछु 08 साल ले प्रेम संबंध अउ अंतरंग संबंध होना बताइन फेर हत्या करे के बात ल नकार दिस। 

मृतिका के मोबाईल के अउ बारिकी ले जांच म दू वाट्सअप चैट मिलिस जेमा मृतिका अपन आन पुरूष मित्र नेवेन्द्र देवांगन उमर 23 साल निवासी कटघोरा अउ अपन प्रेमी संजय चौहान के घटना दिन रात म 2 बजे ले लेके 3 बजे तक चौटिंग करे रिहिस, जेमा मृतिका के मोबाईल ले "प्लीज मोला बचा लो, आज मेरा काम हो गे, आज मोर पापा मोला जान ले मार देंही..." वाट्सअप म चैट करे रिहिस। ये वाट्सअप चैट के संबंध म जरूरी जानकारी बर मृतिका के पिताजी दिगपाल दास वैष्णव के अउ संजय चौहान के थाना कटघोरा पूछताछ बर लाये गिस। मृतिका के पुरूष मित्र नेवेन्द्र देवांगन के भी थाना कटघोरा पूछताछ बर बुलाये गिस। उंकर ले पूछताछ करके उंकर मोबाईल ल चेक करे ले दोनो के मोबाईल म चैटिंग पायी गिस। 

पूछताछ म मृतिका के पिता दिगपाल दास वैष्णव ह घटना के संबंध म जानकारी होए ले इंकार करिन। ए संबंध म मृतिका के घर वाला ले बारिकी ले पूछताछ करे गिस। जेमा पता चलिस के मृतिका के पिता दिगपाल दास वैष्णव मृतिका के सूरजपुर म बिहाव कराना चाहत रिहिन। लेकिन मृतिका बिहाव ले इंकार कर दीस। विवेचना के बखत अहम जानकारी, सबूत अउ हालात मृतिका के पिता दिगपाल दास के तनि ही इशारा करत रिहिस। मामला पूरा उलझ गे रिहिस, विवेचक टीम घटना ले संबंधित आने-आने जानकारी सकेलत मृतिका अउ संदेही मनके मोबाईल डिटेल खंघालत रिहिन। ये बीच मृतिका के प्रेमी संजय चौहान के घटना दिन के मोबाईल स्वीच ऑफ रिहिस अउ घटना के पहिली कभू स्वीच ऑफ नइ रिहिन। मृतिका के प्रेमी संजय चौहान के संग सरलग आपस म गोठबात होना अउ घटना दिन के दिन मोबाईल के बंद होना संदेह पैदा करिस। फेर वास्तविक तथ्य के पता लगाये खातिर घटना के कड़ी दर कड़ी जोड़त संजय चौहान ले पूछताछ करे जात रिहिस, फेर वो ह घटना ले सरलग नकारते रिहिस।

इसी बखत मोबाईल म संजय चौहान डहर ले लड़की के करे गे फोन के वायस रिकार्डिंग मृतिका के मोबाईल म मिजिस। जेमा संजय चौहान ह मृतिका के आन लड़का ले संबंध न रखे अउ संबंध रखे म जान से मार दे के बात बोले हावय।  मृतिका अउ संजय चौहान के आपस म वाट्सअप वीडियो कॉल रिकार्डिंग भी मिलिस। मृतिका के एक आन संगी नेवेन्द्र देवांगन ले बारिकी ले पूछताछ करे गिस  जेकर डहर ले मृतिका के संबंध म अहम जानकारी देत बताइन के मृतिका उंकर ले गोठबात करत रिहिस त अपन प्रेमी संजय चौहान के अपन उपर बहुत शक करे अउ आन लड़का ले गोठबात करे म मारे के धमकी देना अउ मोबाईल व्यस्त आये म बहुत जादा गाली गलौज करना बताइस।

ये बात ल धियान म रखत संजय चौहान ले सख्ती ले पूछताछ करे गिस। जेमा शुरूआत म वो पुलिस ल गुमराह करत रिहिन फेर उंकर विरूद्ध मिले परिस्थिति, तथ्य, साक्ष्य अउ गवाह के कथन के पुष्टि नइ हो पात रिहिस। अऊ ओकर बताये सबो बात लबारी लगिस। आखिर पुलिस के आगू आरोपी संजय चौहान ह हत्या के घटना के अंजाम देना स्वीकार करिस अउ घटना ल अंजाम देके पूरा मामला ल बताइस। किथे के संजय चौहान अउ मृतिका के बीच 8 साल ले प्रेम अउ अंतरंग संबंध रिहिस अउ दुनों आपस म मोबाईल ले बात करय। समय-समय म रात म आरोपी संजय चौहान घर ले दूरिहा जंगल म गाड़ी ल खड़ाके मृतिका के घर बाड़ी के रद्दा आके मृतिका के संग मिलना जुलना करय। आपस म अंतरंग संबंध बनात रिहिस। मृतिका के घर रात के जात रिहिस, ए सेती ओकर घर वाले ल भनक नइ लग पात रिहिस। घर बड़का होए ले अलग-अलग जगह म घर म मिलके लड़का वापस जंगल के रद्दा अपन घर चले जात रिहिस। 

किथे के मृतिका के बिहाव जमकाला अम्बिकापुर म होवइया रिहिस। येकर जानकारी आरोपी ल हो चुके रिहिस अउ ए सेती ले आरोपी संजय चैहान परेशान रहय रिहिस। मृतिका ल भागके बिहाव करे बर मनाने के प्रयास करत रिहिन फेर मृतिका अपन पिता के खिलाफ जाके भागके बिहाव करे ले मना करय। बार-बार समझाये के बाउजूद भी नइ माने म आरोपी संजय चौहान “मोर नइ हो सकहीस त मैं कोनो के नइ होवन दवं किके ओला धमकी देवय"। मृतिका म येकर असर नइ होइस अउ ब्रेकअप करे के खातिर बार-बार बोलत रिहिस।  इही बीच ओकर फोन भी समय-समय म अउ देर रात म भी इंगेज आतत रिहिस फोन जाये के बाउजूद भी नइ उठात रिहिस, जेकर सेती आरोपी बहुत ही गुस्सागे। 

किथे के मृतिका भागके बिहाव के तइयार नइ होइस इही सेती आरोपी संजय चौहान ह घटना के पहिली रात 10 बजे के लगभग मैसेज के माध्यम ले मृतिका ल घर म मिले बर बताइन अउ अपन मोबाईल बंद करके रात के लगभग 12 बजे मृतिका के घर के बाड़ी के रद्दा पहुंच के लड़की के इंतजार करत रिहिस। फेर मृतिका के आये म देरी होए ले घर म पत्थर फेंक के मृतिका के बाहिर आये के संकेत देवे। तब मृतिका बाड़ी के कोति बंद दरवाजा के कुंडी खोलके बाहिर निकलीस। बाड़ी म गोठबात करत रिहिस, ए बखत आरोपी डहर ले मृतिका ल भागके बिहाव करे बर मनाइस। फेर मृतिका ले मोर लेब्रेकअप कर लो मैं अपन माता पिता के खिलाफ भागके बिहाव नइ करे सकत हावं बोलिस। मृतिका के आन लड़क के संग अफेयर के शंका के सेती गुस्स म आके मृतिका के आज मैं तोला मार दूंहू कहीके डांटत रिहिस त मृतिका ले मोला मार दे केहे लगिस। बिहाव बर बार बार मना करे के सेती आरोपी ल गुस्सा आगे अउ ताव म आके मृतिका ल तै नइ मानस किके साड़ी ले ओकर गला दबो के जान से मार दिस।

मरे के बाद आरोपी ह मृतिका के मोबाईल ले भेजी गे वाट्सअप चैट मैसेज ल डिलीट करिस अउ मोबाईल के उंकर कमर के सलवार म फंसाके थोकिन दूरिहा म छोड़े अपन मोटर सायकल के पास पहुंचगे। घर पहुंच के बिहनिया सुबह मोबाईल के ऑन करिन। मामला म आरोपी डहर ले अपराध कबूल करे जाये अउ आरोपी के खिलाफ सबूत पाये जाये ले थाना कटघोरा म धारा 302 भादवि कायम करके आरोपी ल माननीय न्यायालय पेश करके न्यायिक रिमाण्ड म जेल दाखिल पठो दे गे हावय। ये सबो कार्यवाही म पुलिस अधीक्षक अभिषेक मीणा, अतिरिक्त पुलिस अधीक्षक कीर्तन राठौर, अनुविभागीय अधिकारी पुलिस कटघोरा अउ थाना प्रभारी कटघोरा के संग उंकर पूरा टीम के जबर भूमिका रिहिस।