राजस्व अउ आपदा प्रबंधन के आरो अब एकेच वेबसाइट म

अंजोर.रायपुर, 10 जून 2021। प्रदेश के राजस्व अउ आपदा प्रबंधन मंत्री ह राजस्व अउ आपदा प्रबंधन के सबो जानकारी अब एकेच जगह आसानी ले देवाये खातिर राजस्व अउ आपदा प्रबंधन विभाग के विभागीय वेबसाइट https//revenue-cg-nic-in, https//bhuiyan-cg-nic-in, http//sdma-cg-gov-in ल फेर डिजाइन करके इंटरफेस लॉन्च करिन। एला यू.एक्स.डी.टी. प्लेटफॉर्म, एन.आई.सी. दिल्ली के सहयोग ले विकसित करे गे हावय।

मिले आरो के मुताबिक राजस्व विभाग सचिव सुश्री रीता शांडिल्य के मार्गदर्शन अउ समूह सदस्य डॉ. ए. के. होता, राज्य सूचना विज्ञान अधिकारी के सहयोग ले राजस्व विभाग के वेबसाईट ल फेर डिजाईन करना गजब जरूरी रिहिस। ए साइट ल मोबाइल म भी बढि़या बुता करे के खातिर तइयार करे गे हावय, ये प्लेटफॉर्म ब्राउज करे के खातिर सरल हावय। भुइयां साइट के होम पेज के भी साइट के तहत उपलब्ध आने-आने सुविधा के खातिर जनता के संवेदीकरण के खातिर फेर ले डिजाइन अउ नवीनीकृत करे गे हावय। ये साइट जिला म पदस्थ राजस्व अधिकारी मन के नवा बुता के जानकारी दे करही। सॉफ्टवेयर्स अउ विभाग डहर ले करे गे पहल के जानकारी भी उपलब्ध रइही। राजस्व न्यायालय के आने-आने आवेदन म ओटीपी के माध्यम ले काम करे के प्रक्रिया अउ स्थिति के संक्षिप्त विवरण भी वेबसाईट म अब उपलब्ध कराये जा सकही।

आपदा के बखत का करें अउ का न करें, म जानकारी देवइया नागरिक ल लाभ पहुंचाये के खातिर आपदा प्रबंधन वेबसाइट के भी नया रूप देगे हावय। जनता ल सूचित करे के खातिर प्राधिकरण के निकाय अउ बुता म भी प्रकाश डाला गे हावय। एमे जरूरी ये हावय के ए साईट ले दिव्यांग मनखे मन ल भी लाभ मिलही।