आमा राईट प्रायोजना : लइका मनला पढ़ई ले जोड़े खातिर ममता अहार के गीत के विमोचन करिस डीईओ रायपुर

 

अंजोर.रायपुर, 4 जून 2021। छत्तीसगढ़ सरकार कोति ले कोरोना काल म लइका मनला पढ़ई ले जोड़े रखे खातिर नवा-नवा उदीम करे जात हावय। इही ओढ़र म एसो गरमी म लइका मन खातिर ‘आमा राईट’ प्रायोजना शुरू करे गे हावय जेमा 1 ले 12 तक के कक्षा के लइका मनला परियोजन बुता देवत 30 जून तक पुरा कराये के निर्देश दे गे हवय। अऊ स्कूल खुले म प्रोजेक्ट फाइल जमा करही। 

प्रदेश के बाल नाट्य निर्देशिका अउ शिक्षिका ममता अहार तको सरलग नवाचार करत हावय। कोरोना काल ले अब तक ओमन लइका मनला पढ़ई ले जोड़े खातिर घातेच उदीम करिन अब ओमन आमा राईट प्रायोजना म गीत बनाये हावय जेकर जिला शिक्षा अधिकारी ए. एन. बंजारा ह विमोचन करिन। ममता आहार जी के वीडियो ह सोशल मीडिया के अनके ठिहा के अलावा यूट्युब चैनल म तको अपलोड हावय।

देखव आमा राईट प्रायोजना के गीत-