अंजोर.कांकेर, 5 जून 2021। छत्तीसगढ़ शासन डहर ले वृक्षारोपण ल बढ़ावा दे खातिर मुख्यमंत्री वृक्षारोपण प्रोत्साहन योजना लागू करे गिस हावय, जेकर ले गैर वानिकी क्षेत्र जइसे कृषि क्षेत्र अउ पंचायत के निजी क्षेत्र म वृक्षारोपण करे जाये के खातिर विशेष प्रोत्साहन दे जाही।
पंचायत स्तर म-
पंचायत के उपलब्ध रकम ले यदि वाणिज्य वृक्षारोपण करे जाही त 01 साल पाछु सफल वृक्षारोपण के दशा म संबंधित पंचायत ल ‘मुख्यमंत्री वृक्षारोपण योजना’ के तहत प्रति एकड़ 10 हजार के रकम प्रोत्साहन के रूप म दे जाही, जेकर ले पंचायत मन के आय म बड़वार होही।
वन प्रबंधन समिति म-
संयुक्त वन प्रबंधन समिति मन के उपलब्ध रकम ले यदि व्यवसायिक दृष्टिकोण ले राजस्व भूमि म वृक्षारोपण करे जात हावय त पंचायत के रकम ले ही संबंधित समिति ल 01 साल बाद प्रोत्साहन रकम 10 हजार रूपिया प्रति एकड़ दे जाही।
निजी भूमि म-
किसान मन के निजी भूमि म ए योजना के लाभ ले के खातिर जेन खरीफ साल 2020 म धान के फसल लिस हो, अउ यदि वो धान फसल के बदला अपन खेत म वृक्षारोपण करत हावय, त ओला अवइया 03 साल तक हरेक साल 10 हजार रूपिया प्रति एकड़ प्रोत्साहन रकम दे जाही। ए योजना के तहत करे गे वृक्षारोपण ले मिले लकड़ी के उपयोग भविष्य म किसान स्वयं कर सकही। मुख्यमंत्री वृक्षरोपण योजना के तहत वृक्षारोपण के खातिर हितग्राही डहर ले वन विभाग ले संपर्क करे जात हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।