वनमंत्री मोहम्मद अकबर दीस विश्व पर्यावरण के शुभकामना

अंजोर.कवर्धा, 04 जून 2021। प्रदेश के वन,आवास अउ पर्यावरण मंत्री मोहम्मद अकबर ह लोगन ल विश्व पर्यावरण दिवस के मउका म अपन हार्दिक बधाई अउ शुभकामना दीस हावय। ओमन अपन संदेश म किहिन हावय के पर्यावरण दिवस मानव अउ प्रकृति के बीच सामंजस्य के अउ जादा गहरा करे के खातिर प्रेरित करत हावय। हमन अपन आसपास के वृक्ष के कटे ले बचाये के संग-संग जादा ले जादा वृक्षारोपण करे के खातिर लोगन ल जागरूक करना चाही।

मोहम्मद अकबर ह आगू किहिन के अनियमित वर्षा, ग्लोबल वार्मिंग, पराबैंगनी किरण जइसे समस्या हमर जन जीवन ल प्रभावित करे लगे हावयं। कहू तापमान म कमी लाना हावय त जादा ले जादा पेड़-पौधे लगाना होही। पेड़ पौधा वन के श्रृंगार हावय पेड़ के धरती के बुखार उतार सकत हावयं। प्रदेश सरकार डहर ले भी 01 जुन 2021 ले मुख्यमंत्री वृक्षारोपण प्रोत्साहन योजना लागू करे गिस हावय। येकर उद्देश्य- इमारती, गैर इमारती प्रजाति के वृक्षारोपण के प्रोत्साहित करे के संग संग किसान मन के आय म वृक्षारोपण के जरिये बढ़ोतरी करना शामिल हावयं। हमन ल अपन भावी पीढ़ी के बढि़या भविष्य के खातिर पर्यावरण ल बचाये के भी संकल्प लेना चाही।