श्रीमती छाया वर्मा पीपल के पेड़ लगाके पर्यावरण संरक्षण के दिस संदेश

अंजोर.रायपुर, 5 जून 2021। प्रकृति ले मया करइया लोगन मन वइसे तो सबर दिन पेड़-पौधा के जतन म रमे रिथे, फेर जब कोनो दिन विशेष म उनला समाज ल संदेश दे के मउका मिलथे तेनो भला कइसे पीछु रइही। दुनिया भर के लोगन ल रूख-राई के जतन के संदेशा दे खातिर 5 जून के दिन ल विश्व पर्यावरण दिवस के रूप मनाये जावथे। इही ओढ़र म आज राज्यसभा सदस्य, सांसद श्रीमती छाया वर्मा मन ह पर्यावरण प्रेमी संस्था ग्रीन आर्मी के संग अपन महतारी स्व. गीता देवी टिकरिहा के नाम से पीपल के पौधा लगाके पर्यावरण संरक्षण के संदेश दिस। जानबा होवय के आज के दिन प्रदेश सरकार के मुखिया दाऊ भूपेश बघेल के संग सबो अगुवा गुनिक सियान मंत्री अउ सांसद मन अपन-अपन क्षेत्र म पेड़-पौधा लगाके, सुघ्घर पर्यावरण ल बचाये के उदीम म रमे हावय।