अंजोर.रायपुर, 04 जून 2021। छत्तीसगढ़ राज्य ओपन स्कूल डहर ले हाई स्कूल अउ हायर सेकेण्डरी के मुख्य अउ मउका परीक्षा 2021 के संबंध म दिशा-निर्देश अउ कार्यक्रम जारी करके दे गे हावय। राज्य ओपन स्कूल के हाई स्कूल अउ हायर सेकेण्डरी परीक्षा के छात्र ल प्रश्न पत्र अउ उत्तर पुस्तिका संबंधित अध्ययन केन्द्र ले दे जाही। पढ़ईया उत्तरपुस्तिका म घर ले उत्तर लिखके 5 दिन के समय-सीमा म संबंधित अध्ययन केन्द्र म जमा करही।
हायर सेकेण्डरी परीक्षा के छात्र ल उंकर संबंधित अध्ययन केन्द्र ले 21 जून ले 25 जून तक प्रश्न पत्र अउ उत्तर पुस्तिका के वितरण करे जाही अउ 26 जून ले 30 जून तक उत्तर पुस्तिका संबंधित अध्ययन केन्द्र म जमा होही। इही रकम ले हाई स्कूल के छात्र ल संबंधित अध्ययन केन्द्र ले 01 जुलाई ले 05 जुलाई तक प्रश्न पत्र अउ उत्तर पुस्तिका के वितरण करे जाही अउ 6 जुलाई ले 10 जुलाई तक उत्तर पुस्तिका ल संबंधित केन्द्र म जमा करना होही।
परीक्षार्थी के मुख्य उत्तर पुस्तिका के 40 प्रतिशत के अनुपात म (न्यूनतम एक) पूरक उत्तर पुस्तिका दे जाही। यदि कोनो पढ़ईया ल दे गे पूरक उत्तर पुस्तिका के अलावा अऊ पूरक उत्तर पुस्तिका के जरूरत होही त वो ए-4 आकार के पृष्ठ म उत्तर लिखके मुख्य उत्तर पुस्तिका के संग संलग्न कर सकत हावयं। जेकर सबोच पेज म के रोल नंबर लिखे होना अनिवार्य हावय। जेन पढ़ईया करार तिथि म प्रश्न पत्र लेही ओला परीक्षा म अनुपस्थित माने जाही अउ जेन पढ़ईया 5 दिन के समय-सीमा म लिखित उत्तर पुस्तिका जमा नइ करही, वो भी अनुपस्थित माने जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।