अंजोर.कांकेर, 5 जून 2021। अनुकंपा नियुक्ति म 10 प्रतिशत के सीमा म शिथिल करे के मुख्यमंत्री भूपेश बघेल के फइसला ले जिला के दिवंगत परिवार के आश्रित मनला सरकारी नौकारी मिले म सोहलियत होइस, जेकर ले शिक्षा विभाग म सहायक ग्रेड-तीन के पद म अनुकंपा नियुक्ति दे गे हावय। जिला कलेक्टर कांकेर कोति ले दिवंगत परिवार के दू आश्रित ल अनुकंपा नियुक्ति दे गिस, जेमा शितलापारा कांकेर निवासी कुमारी शिवानी चैहान ल जिला शिक्षा कार्यालय कांकेर अउ बालोद निवासी श्रीमती रेखा सोनवानी ल शासकीय उच्चतर माध्यमिक विद्यालय सिदेसर म सहायक ग्रेड-तीन के पद म अनुकंपा नियुक्त पत्र दे गे हावयं। अनुकंपा नियुक्ति पत्र देत बखत जिला शिक्षा अधिकारी राकेश पाण्डे, सहायक संचालक लक्ष्मण कावड़े उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।