अंजोर.रायपुर, 4 जून 2021। मुख्यमंत्री भूपेश बघेल विश्व पर्यावरण दिवस के मउका म 5 जून के मंझनिया 12 बजे राजधानी के अपन निवास कार्यालय म आयोजित कार्यक्रम म ‘मुख्यमंत्री वृक्षारोपण प्रोत्साहन योजना‘ के औपचारिक शुभारंभ करही। मुख्यमंत्री श्री बघेल ए बखत दुर्ग वनमंडल के ले फुंडा (पाटन) म जैव विविधता पार्क के भूमिपूजन भी करही। संग ही वो कार्यक्रम म जनप्रतिनिधी मन सहित आने-आने वनमंडल के वन प्रबंधन समिति के सदस्य मन अउ किसान मन ले वर्चुअल संवाद करही। वर्चुअल संवाद म बस्तर, बिलासपुर, बलरामपुर, कांकेर, महासमुंद अउ कवर्धा वनमंडल के ले जनप्रतिनिधि अउ जंगल प्रबंधन समिति के सदस्य अउ किसान शामिल होही।
मुख्यमंत्री वृक्षारोपण प्रोत्साहन योजना ले जेन किसान मन ह खरीफ साल 2020 म धान के फसल लिस हावये, यदि वो धान फसल के बदला अपन खेत म वृक्षारोपण करत हावयं, त ओला अवइया 3 साल तक हरेक साल 10 हजार रूपिया प्रति एकड़ के दर ले प्रोत्साहन रकम दे जाही। इही रकम ले गांव पंचायत मन के पास उपलब्ध रकम ले यदि वाणिज्यिक वृक्षारोपण करे जाही, त एक साल बाद सफल वृक्षारोपण के दशा म संबंधित पंचायत ल शासन तनि ले 10 हजार रूपिया प्रति एकड़ के दर ले प्रोत्साहन रकम देस जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।