अंजोर.रायपुर, 04 जून 2021। मुख्यमंत्री भूपेश बघेल डहर ले अनुकंपा नियुक्ति के संबंध म दे गे निर्देश म अमल के खातिर स्कूल शिक्षा विभाग ह अभियान चलाके केवल एक सप्ताह म 700 लोगन ल अनुकंपा नियुक्ति दीस हावय। अवइया एक सप्ताह म 79 बांचे आवेदक ल भी अनुकंपा नियुक्ति दे जाये के तइयारी हावय।
मुख्यमंत्री श्री बघेल के अध्यक्षता म 18 मई के आयोजित कैबिनेट के बइठक म तृतीय श्रेणी के पद म अनुकंपा नियुक्ति दे बर 10 प्रतिशत के सीमा बंधन के 31 मई 2022 तक के खातिर शिथिल करे जाये के अनुमोदन करे गे रिहिस। मुख्यमंत्री ह सबो विभाग ल संवेदनशीलता के संग तेजी ले कार्यवाही करत पात्र लोगन ल जल्दीा ले जल्दीत अनुकंपा नियुक्ति दे के निर्देश दे रिहिस।
स्कूल शिक्षा मंत्री डॉ. प्रेमसाय सिंह टेकाम ह ए संबंध म विभागीय अधिकारी मनला तत्परता के संग कार्यवाही करे ज किहिन। स्कूल शिक्षा विभाग के प्रमुख सचिव डॉ. आलोक शुक्ला अउ संचालक जितेन्द्र शुक्ला ह कोरोना काल म दिवंगत शिक्षक अउ आन कर्मचारी मन के परिजन ल लघियात अनुकंपा नियुक्ति दिलाये ल सर्वाच्च प्राथमिकता देत होए अभियान के रकम ले ए बुता के संचालित करिन अउ केवल 7 दिन के भीतर ही राज्य के सबो 31 शिक्षा जिला के 700 पात्र युवा मन ल नियुक्ति आदेश दे दिस। बांचे बचे लगभग 79 पात्र आवेदक के प्रकरण के निराकरण अवइया एक सप्ताह के भीतर करे के निर्देश संचालक जितेन्द्र शुक्ला डहर ले आज सबो संयुक्त संचालक अउ जिला शिक्षा अधिकारी मन ल दे गे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।