अंजोर.राजनांदगांव, 4 जून 2021। राज्य शासन के निर्देश के मुताबिक जिला म वर्षा ऋतु म मछली वंश बड़वार (प्रजनन) ल देखत रखत 16 जून ले 15 अगस्त 2021 तक बंद ऋतु (क्लोज सीजन) घोषित करे गे हावय। सहायक संचालक मछलीपालन ह बताइन के ए बखत प्रदेश के सबो छोटे-बड़े नदि, नाला अउ छोटे नदिया, सहायक नदिया म जेन म छोटे या बड़े सिंचाई के तालाब जलाशय बने हाबे केज कल्चर के अलावा सबो रकम के मछरी धरई 16 जून ले 15 अगस्त तक पूरा बंद रइही। ए नियम के उल्लंघन करे म एक साल के कारावास या 10 हजार रूपिया के जुर्माना या दुनों हो सकत हावय। केवल छोटे तालाब या आन जल स्त्रोत जेकर संबंध कोनो नदी नाला ले नइ हावय के अलावा जलाशय म करे जात केज कल्चर म लागू नइ होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।