नीति आयोग ह देखाइस आईना, भाजपा ल शर्मिंदा होना चाही : शैलेश नितिन त्रिवेदी

अंजोर.रायपुर, 6 जून 2021। छत्तीसगढ़ ल नीति आयोग ह परफार्मर राज्य के रूप म वर्गीकृत करे हावय। कम्पोजिट स्कोर पहिली 56 रिहिस, अब बढ़के 61 होगे। ये बात के आरो देवत विज्ञप्ति के माध्यम ले शैलेश नितिन त्रिवेदी अध्यक्ष संचार विभाग, छत्तीसगढ़ प्रदेश कांग्रेस कमेटी ह किहिन के नीति आयोग के ताज़ा रिपोर्ट म भूपेश बघेल सरकार ह प्रदेश ल परफ़ॉर्मर राज्य यानी काम करे वाला राज्य सरकार के वर्ग म चुने हावय। ओमन किहिन के अपन बड़े नेता के दबाव म बात-बेबात सरकार के कामकाज म मीन-मेख निकालने वाला अउ बयानवीर बने भाजपा नेता मनला नीति आयोग के सालाना रिपोर्ट ह आईना देखाये हावय अउ सच जाने के बाद भाजपा नेता मनला शर्मिंदा होना चाही। 

नीति आयोग के डहर ले जारी करे गे रैंकिग म छत्तीसगढ़ के भूपेश बघेल सरकार के बुता अउ उपलब्धि के राष्ट्रीय स्तर म मान्यता निरूपित करत प्रदेश श्री त्रिवेदी आगू किहिन के ढाई साल के कम बखत म कांग्रेस सरकार ह जेन उपलब्धि पाये हावयं वोमा हर छत्तीसगढ़वासी ल गर्व हावय के उंकर वोट पहिली बार छत्तीसगढ़ के हित म काम आए हावय। नीति आयोग के रिपोर्ट म छत्तीसगढ़ के कम्पोजिट स्कोर 56 ले बढ़के 61 होगे हावय, ये मुख्यमंत्री भूपेश बघेल जी के डहर ले राज्य म सुरू रे गे विकासोन्नमूख गतिविधी के सेती ही ये सफल हो पाये हावय अउ हम अब सरलग सुधार के खातिर अग्रसर हावन। 

ओमन आगू किहिन के दूसर तनि राज्य म भारतीय जनता पार्टी के नेता म केंद्रीय नेतृत्व दबाव डालके राज्य सरकार के खिलाफ़ बयान दे के खातिर बाध्य करे हावय। डॉ. रमन सिंह, बृजमोहन अग्रवाल, अजय चंद्राकर अउ धरमलाल कौशिक जइसे बयानवीर नेता समझत हावयं के राज्य सरकार कइसे काम करत हावय अउ जनहित म कइसे-कइसे कदम उठाए हावयं फेर राज्य के भाजपा नेता केंद्रीय नेतृत्व के दबाव म अप्रासंगिक बयान देत हावयं। भूपेश बघेल सरकार के नवा योजना मन जइसे गोधन न्याय योजना, नरवा, गरवा, गुरूवा, बारी, सखी जंगल स्टाप सेंटर, नोनी सुरक्षा योजना, नवा बिहान योजना, सक्षम योजना के लाभ भी महिला सशक्तिकरण अउ लैंगिक समानता लाने म उपयोगी सिद्ध होय हावय।