अंजोर.रायपुर, 6 जून 2021। छत्तीसगढ़ शासन डहर ले आयोजित अंतर्राष्ट्रीय योग दिवस के मउका म 21 जून के ‘छत्तीसगढ़ वर्चुअल योग मैराथन’ के आयोजन करे जात हावय। ये मैराथन म सामिल होए खातिर 5 जून ले 15 जून तक http://jansampark.cg.gov.in/yogwithchhattisgarh/Registration.aspx लिंक म क्लिक करे पंजीयन कराया जा सकत हावय। सबो पंजीयनकर्ता ल डिजीटल प्रणाम पत्र प्रदान करे जाही। अउ हर जिला के पहिली 100 पंजीयन करइया ल टीशर्ट भी दे जाही।
समाज कल्याण विभाग अंतर्गत छत्तीसगढ़ योग आयोग कोति ले आयोजित छत्तीसगढ़ वर्चुअल योग मैराथन म भाग ले आवेदक ल योगासन करत अपन फोटो, वीडियो अपन सोशल मीडिया एकाउंट्स yogwithchhattisgarh म शेयर करना होही। येकर अलावा प्रतिभागी अपना फोटो, वीडियो internationalyogaday2021@gmail.com म मेल भी कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।