भारत के हर नागरिक ल यूनिवर्सल मुफ्त वैक्सीनेशन के मांग करत राज्यपाल ल ज्ञापन सौपिस प्रदेश कांग्रेस कमेटी

अंजोर.रायपुर, 4 जून 2021। छत्तीसगढ़ प्रदेश कांग्रेस कमेटी डहर ले आज राज्यपाल सुश्री अनुसुईया उइके ले राजभवन म प्रदेश कांग्रेस कमेटी के अध्यक्ष माननीय के मोहन मरकाम के सियानी म एक प्रतिनिधिमण्डल ज्ञापन सौपिस। जेमा प्रतिदिन एक करोड़ वैक्सीनेशन सुनिश्चित करे अउ भारत के हर नागरिक ल यूनिवर्सल मुफ्त वैक्सीनेशन दिलवाये के मांग करिन। प्रतिनिधिमण्डल म वन मंत्री मोहम्मद अकबर, विधायक सत्यनारायण शर्मा, मंत्री डॉ. शिवकुमार डहरिया, रायपुर महापौर एजाज ढेबर, नागरिक आपूर्ति निगम के अध्यक्ष रामगोपाल अग्रवाल, छत्तीसगढ़ खादी तथा ग्रामोद्योग बोर्ड के अध्यक्ष राजेन्द्र तिवारी, छत्तीसगढ़ पाठ्य पुस्तक निगम के अध्यक्ष शैलेष नितिन त्रिवेदी, छत्तीसगढ़ राज्य खनिज विकास निगम के अध्यक्ष गिरीश देवांगन, रायपुर नगर निगम के सभापति प्रमोद दुबे, गिरीश दुबे, अउ उधो वर्मा जी मन शामिल रिहिस।